Varios biaha ta tende opocision spanta hende ora scucha nan papia di situacion financiero di pais Aruba. Minister Bermudez a splica cu si mira e trayectoria di e ultimo tres añanan con a bin ta domina e crecemento di e deficit di nos presupuesto cu a bah’e na 2015, 2016 y e aña aki tambe ta sigui bah’e, pa otro aña ta den balansa, ningun momento so no mester ni pensa cu nos florin ta na peliger. Esey ta un idea cu ta wordo comparti entre esnan cu no ta compronde nos finansas publico. Ta peligroso tambe pa uza cierto palabranan pisa asina, mescos cu den pasado, tabata tin hende ta kibra cu Aruba ta den bancarota. Si mira por ehempel, un isla manera Barbados, tin un loon to GDP ratio di 140%. Nan debe nacional ta 140% di nan GDP, nos ta hopi mas sigur di e situacion cu nos ta aden y ta trahando duro pa dreche pa den e añanan venidero por sigui domina e presupuestonan. Pero asina tambe pa domina nos debe nacional y pa nos tin e gastonan cu ta relata na dje, cu ta e interesnan pa tin nan tambe den dominio cu por reduci nan pa asina haya mas espacio den e presupuesto pa por hiba un maneho.
