Riba Sint Maarten a reacciona cu asombro riba e ceramento di e frontera cu Francia. E maneho local no a laga diabierna ningun hende drenta sin un paspoort di Reino Hulandes. E habitantenan cu a bin for di e banda Franses y por ehempel kier a bay cerca nan famianan, tabata para eynan cu portanan cera. Autoridadnan Hulandes manera mariniernan a ehecuta e medida aki momentaneamente. Pero e decision a wordo tuma pa maneho local, nan ta bisa. Un vocero di minister Plasterk (relacionnan di Reino) no por a reacciona riba e decision di Gobierno local.
Emilio, un chauffeur di bus pensiona, cu si mas di pasa pa e banda Hulandes, a reacciona cu asombro riba e control di frontera. “Esaki no ta bon. Finalmente nos ta un solo isla. Famianan ta biba na ambos banda di e frontera y pa esey netamente nan kier yuda otro.”
Debi na e medida tin filanan largo riba e isla, cual ta stroba e trabaonan di limpiesa.
Hendenan cu ta wordo manda bek, ta reacciona furioso. Un hende a grita por ehempel frustra cu sigur “nan ta laga solamente e blanconan.”
Dicon e medidanan aki a wordo imponi, no a wordo clarea precisamente.
