Recientemente, Ministerio di Enseñansa hunto cu Departamento di Enseñansa Aruba tawata tin e honor pa otorga oficialmente e premio Appel di Oro na e respectivo ganadonan.
Appel di Oro ta un proyecto di reconocemento pa personanan cu ta destaca den e area di Enseñansa y ta reconoce excelencia den Enseñansa den su totalidad.
E otorgamento di e premionan a tuma luga na Aquarius restaurant den un seno hopi personal y caluroso.
Minister di Enseñansa dr. Armando Lampea cuminsa na yama bonbini na e invitadonan presente. “Ta un momento di hopi alegria ora cu como Minister di Enseñansanos por entrega e premioAppel di Orona e diferente maestronan na Aruba cu a destaca den aña 2017”.
MinisterLampea menciona cu ta importante pa nos comunidad tuma nota di e balor grandi cu nos educadornan tin. E hecho cu a otorga un premio na cuatercu a resalta den aña 2017 pa nan cariño y servicio na studiantenan y alumnonan, no kiermen cuno tin maseducadornan cutambe a destaca den 2017.
E tarea di un educador awendia ta uno dificil y pesey mester duna elogio na tur educadornan di Aruba y aunkecu nan no a ricibi e Appel di Oro,no obstante nos mester reconoce e balor di nan trabou.E cuater personanan cu a ricibi e premio aki ta personanan cu ta wordo mira como ehempel door di nan mesun coleganan y esey ta importante den un maneho di Enseñansa.
Esnan cu a ricibi un Appel di Oro pa aña 2017 ta como lo siguiente:
Maestro
Edwin Lucas di Colegio Hilario Angela.
Diriginte
John Wardlawdi Universidad di Aruba.
Proyecto Escolar
Ipevodi ScolBasico Washington.
Lifetime Achievement
HetwigKuiperdal di Commandeur Pieter BoerKleuterschool.
Minister di Enseñansa a yama pabien nae ganadonan y alabes na tur hende di Departamento di Enseñansa Arubacu a facilita e premio akipaso e ta importante pa duna elogio y reconocemento na educadornan cu ta destaca.
MinisterLampea enfatisa cu: “E tin un impacto hopi grandi ora cu bo ta premia un educador pa e bon trabou cu e ta haciendo y hopi biaha nos ta inclina pa wak solamente algun fout cu ta wordo haci door di un maestro y nos ta lubida tur e partinan positivo cu un maestro ta haci dia aden, dia afo, aña aden, aña afo”.
“Cu e entregadiAppel di Oronos kier resalta tur e trabou positivo cu maestronan ta realisa y pa keda recorda esey, pa e keda graba den nos memoria cu un maestro ta indispensabel pa nos sociedad”.
Minister di Enseñansa dr. Armando Lampea finalisa bisando: “Masha masha pabien na tur e cuater maestronan cu a ricibi awe e premio Appel di Oroy na nan team, na e scolnan, pasobra un persona cu ta resalta ta representa full e team y pesey bo no por lubida tur e team cu ta para tras di e maestronan aki cu a ricibi nan premio tan mereci”.
Departamento di Enseñansa Aruba kier a tuma e oportunidad aki pa felicita tur e ganadonan un biaha mas cu nan merecido Appel di Oroy bisa nan pa sigui cu e bon trabou.
Pa un reportahe fotografico y mas informacion por bishita nos website [ea.aw] y nos facebook page @educationaruba.
