Ora cu papia di deporte, nos tur mesora ta pensa riba Fundacion Lotto pa Deporte. Un
Fundacion cu delaster tempo ta den noticia constantemente. Sigur cu ora cu Gobierno a
cambia, MEP sigur, a anticipa cambionan drastico, mirando e falta di prioridad, e falta di
atencion pa loke ta trata deporte ultimo ocho añanan.
Parlamentario Shailiny Tromp-Lee a splica cu e no ta bay den detaye kico tur a tuma luga recientemente. E directiva na e momentonan aki ta sinta ainda. Ta mira esaki como un debilidad pa gobierno pa por ehecuta maneho. Dicon E parlamentario a splica cu si por a scucha minister di deporte recientemente den medionan di comunicacion y tabata tin e oportunidad di papia cun'e personalmente. E ta bisa cu na e momentonan aki ta buscando pa haya informacion entre otro jaarrekening di e ultimo añanan, den Fundacion Lotto pa Deporte, pa e por haya un bista mas cla y transparente den unda ta para awe na 2018. Lastimamente esaki te ainda no a keda poni na su disposicion. Tambe, manera cu tur sa, el a purba di realisa e cambionan desea den e constelacion di directiva. Esaki tampoco no a tuma luga. Pakico ta asina importante pa logra once and for all Lotto pa Deporte, ta pasobra kier bin cu mehoracion. Kier bin na duna prioridad.
Kier bin na duna atencion na Deporte. Pero berdaderamente. Tromp-Lee a splica cu tin un punto te dia di awe no ta cla. Ta spera cu si e minister haya e informacion aki for di Lotto, e por splica dicon na 2012 a keda dicidi, di cambia e structura di Lotto. Structura di Lotto A laga un fundacion Lotto pa Deporte atras, cu a traha facilidad. Cu tabata mantene
facilidadnan deportivo. Tabata tin un organo di personal cu tabata traha na e facilidadnan
aki. Na 2012 a keda dicidi pa traspasa no un, no cinco, pero 23 trahado for di Fundacion
Lotto pa Deporte, un fundacion cu tabata carga su mes of ta carga su mes. Un Fundacion cu
tin'e ampliamente, financieramente mira. Pero na 2012 no obstante esaki ta dicidi di pasa 23 trahado di fundacion Lotto pa Deporte, pa fundacion Facilidadnan Deportivo, caminda ta pidi gobierno di Aruba pa otorga un projectsubsidie na balor di 3 miyon florin y di e 3 miyon florin aki 80% tabata pa cubri e gasto di e 23 personanan aki. Algo cu te dia di awe pa Tromp-Lee ta incomprendibel.
Un Gobierno cu den pasado a lanta un fundacion Lotto pa Deporte, cu e solo meta pa bay genera fondo pa por yuda Gobierno ehecuta su maneho deportivo. Despues di tanto aña, un fundacion Lotto pa Deporte, para firme riba su pia, ta dicidi di pone e trahadonan aki na un otro fundacion y ta pidi Gobierno pa e mes carga e gastonan di salario di e 23 trahadonan aki. E no ta yega te aki. Tur e trahadonan a keda traha na e mesun caminda. Tin a wordo geschuif di un facilidad pa otro, pero cu e mesun tarea y trabao diario. E unico cambio cu tabata tin, cu e gasto di 3 miyon cu anteriormente fundacion Lotto pa Deporte tabata carga, a wordo pasa pa Gobierno, carga e gastonan di salario. Pregunta ta dicon, kico tabata e necesidad y a kibra tur regla. Pakico un Gobierno ta lanta un fundacion pa na prome luga, esey ta pa nan por para riba nan mesun pia, pa yuda ehecuta maneho y pa nan por bin na e fondonan necesario pa por ehecuta e maneho. Por mira cu na 2012 ta bira full e wiel aki den reverse y ta manda 23 trahado cu Gobierno tin cu bay carga nan salario. Algo cu te dia di awe, ta di spera cu minister Oduber, una bes cu e tin un bista cla den e bukinan di Lotto y con e decisionnan a keda tuma, dicon tin 23 trahado bao di subsidio di Gobierno.
