SEPPA: Ta spera cu e management team na DPL ta den un fase transitorio

A hala e directora di DPL un banda, pone un management team. Magali Brito di SEPPA a splica cu e trahadonan, ora cu a drenta e management team, naturalmente despues di a pasa un fase poco fastioso, toch a yama un bon bini na e management team aki pa por guia e trabaonan den un bon direccion.

E management team no por reemplasa un director. Kiermen e minister mester por nombra un director nobo pronto. Esey ta si el a termina e proceso cu e directora cu tabata eynan. Esey e ta bisa cu el a haci’e. Si e ta asina si of no, no por bisa exactamente. Sino e tin cu bay over na nombra esnan cu tin na cabes. Un management team ta pa un fase transitorio. E ta suppose di ta asina. Ta spera cu den DPL tambe ta e caso.

E trabaonan a sigui normal, segun e trahadonan. Tin biaha den departamento di gobierno, un ta wak e afiliacionnan politico of ta keda wak otro cu caranan un tiki straño pa motibo cu un ta acusa otro di bin di un banda politico. Pero eseynan ta cosnan cu ta sosode tur caminda y no ta stroba e funcionamento. Awor aki si, cu tin cosnan robes cu ta pasando, esey ta haci e ora ey cu ta crea duda entre e coleganan, ken lo ta haciendo e y cu ta bolbe crea y trece un mancha riba e departamento.

Bao di e trahadonan riba nan mes, nan ta sigur cu nan no ta haciendo nada malo y ta p’esey mes nan ta exigiendo un claridad di parti di e minister.

E poder tey y no tey

Un punto cu a wordo cuestiona bao di e trahadonan ta cu nan a bise cu awor aki ta bira cu tur e poder a bay pa un solo persona so, esta e minister. E ora ey e no tin e control. Prome e a pasa den man di trahado, trahado ta mira cos. Tin mas wowo ta mira kico ta pasando. Awor aki el a bay directamente bao di e minister y esey ta un di e cosnan cu nan tambe ta cuestiona y awor aki ta parce cos cu bo no sa na ken a duna si of no y e pakico a duna si of no. Hecho ta, departamento di progreso laboral, tambe tin un sistema di toetsing, a base di mercado laboral si tin mester si of no. Si tin vacatura si of no. Pesey mes a pidi e minister pa wak bon, tira bon bista cu tin sincronisacion entre esakinan pa asina mañan no ta dunando permiso pa loco, e no ta bay por ta na un forma robes y ta evita cu atrobe cosnan por bay den un direccion mañan cu atrobe e mandatarionan ta wordo acusa di actonan robes of actonan fraudulento.