Recientemente e seleccion di tennis di mesa di Aruba a biaha pa e competencia Latinoamericano na Guatemala unda nan lo enfrenta e mihonan di e region aki. E seleccion ta consisti di Chingho Chung, Johnatan Paredes y su ruman Joshua Paredes.
E ekipo aki a gana nan participacion na Guyana unda nan a sali na di di dos lugar den Caribe mientras e hoben Chingho Chung a gana un di 2do lugar individual. Luna pasa e deporte di tenis di mesa a logra nan clasificacion historico na Cuba unda pa prome biaha Aruba su seleccion ta clasifica pa e Senior Panamerican Games U21 cu lo tuma lugar e aña aki na Cartagena, Colombia. Den e toneo na Cuba, Aruba ta keda na di tres lugar entre e paisnan grandi. Mester bisa cu e deporte di tennis di mesa conoce un aña fantastico unda e hoben Chingho Chung a logra bira e atleta di aña 2016 den e categoria infantil.
Tambe e seleccion di Aruba a conkista varios trofeo den e Caribbean Youth Table Tennis Championship na Georgetown, Guyana unda nos a logra un di 5 lugar overall den Caribe cu algun hoben cu apenas tin 16 aña di edad y hunga den un categoria mucho mas halto. Awo na Guatemalae delegacion ta bou guia di Coach Andy Gomes. Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e seleccion di tennis di mesa di Aruba cu a biaha pa e competencia Latino Americano na Guatemala. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
