E seleccion di landamento di Aruba un bes mas lo midi forsa contra di e miho paisnan den e region di Caribe den e 33 edicion di e Campeonato CARIFTA cu e aña aki lo tuma luga na Kingston, Jamaica. E competencia lo ta e dianan 31 di maart te cu 3 di april proximo.
Mas cu claro Aruba lo bay un bes mas cu un seleccion super fuerte pa asina defende e colornan di nos bandera. Mester bisa cu e anja ki, e seleccion nacional di landamento ta consisti di e landadonan Gavin Kock, Ronald Fun, Jaydon Croes, Nathan Croes, Anahi Schreuders, Keeley Maduro, Flory Kock, Elisabeth Timmer, Brandon Cheong y Daniel Jacobs, e ultimo dosnan ta studia na Merca. Den e ultimo anjanan Aruba semper a briya den e Carifta Swimming Championships cual ta e competencia mas grandi y bishita den nos region, nos atletanan di landamento a sa na saca cara y logra numeroso medaya y hasta kibra varios record di Carifta cu te ainda ta existi. Coach nacionalIsmael Santiesteban tin e pleno confiansa cu nos muchanan un bes mas lo logra un bon resultado pa Aruba.
Stichting Sportsubsidie Aruba ta subsidia e biahe di e seleccion di landamento pa e Carifta Swimming Championships 2018 na Kingston, Jamaica.
Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
