Scooter a laga peaton benta riba caminda herida

Diamars, algo pasa di 1’or di merdia, polis di trafico a wordo manda cu urgencia dilanti di bestuurskantoor, unda cu un peaton a wordo alcansa pa un scooter.

Na momento cu polis a yega, nan a bin topa cu un dama benta riba caminda. Testigonan a conta cu un auto a para pa e dama aki crusa riba zebrapad, pero pa su mala suerte, un scooter di un carwash conoci na Aruba, a pasa dal e dama aki y sigui core. Ambulance a presenta na e sitio rapidamente, pa asina atende cu e dama, kende a haya basta sla na su curpa door di e impacto. Ya caba tin tur informacion na cua compania e scooter aki ta pertenece. Polis ta haciendo su investigacionnan pa asina pone man riba e conductor iresponsabel aki.