Savaneta disgusta cu intrankilidad causa pa brommernan

Ultimamente ta varios districto of bario ta pasando den e mesun problema. Hobennan cu brommer ta causando molester pa barionan. No solamente molester cu desordo pero tambe un inseguridad. Den Yaraweg na Savaneta por ehempel e habitantenan ta cansa di bati na porta di Polis. Nan a bay asina leu di manda carta pa instancianan concerni pa mira si por pone verkeersplateau pero te awe ningun reaccion.

Un “verkeersplateau” ta un adaptacion infrastructural riba caminda cu e meta pa regula y reduci velocidad di trafico di motor. E velocidad cu por pasa riba un “drempel” asina ta depende con a diseñ’e y con halto a trah’e. E standard ta hanchura di e caya y e haltura cu ta mesun halto cu e acera. E sistema aki ta ideal pa peatonnan, speciamente si ta uza rolstoel of wieg. Na Aruba DOW mes a construi decenas di nan den tur districto.

A yama Polis varios biaha pero tampoco ta stop e problema aki. Di atardi te anochi of hasta mey anochi ta bibando cu e molester aki den area di Savaneta. E caminda ta keda tur marca y esaki ta un prueba di loke ta pasando cual motibo habitantenan ta kehando.

Ta spera cu autoridad haci algo al respecto y si ta posibel pone e verkeersplateau. Ya caba a manda hasta e email cu e mensahe y splicacion riba e website di infrastructura pero te awe ningun reaccion.

Noticia relacionaMas for di e autor