Nos a drenta den e temporada di Carnaval. Un temporada dushi y bunita, unda pueblo di Aruba ta gosa y celebra en grande. Como departamento di salud publico, lo kier pone atencion riba e food safety y higiena durante di e temporada aki, mirando cu cada aña miyones di hende rond mundo ta bira malo door di infecta cu cuminda cu no ta wordo bon prepara.
Segun hefe di departamento di higiena, Yvette Geerman, como salubridad publico kier pone atencion pa pueblo, proteha su mes y nan ser keri di tur e cumindanan cu no ta wordo bon prepara y cu nan ta consumi di manera cu nan ta bira malo, por haya un voedsel vergiftiging. Tin un motibo hopi grandi cu hende ta bira malo e temporada aki. Pueblo ta come cuminda afo. Nan ta bay actividadnan y ta come cuminda banda di cuminda. Esnan cu ta bende cuminda hopi biaha no ta prepara e cuminda na cas y no tin e material y facilidadnan cu nan tin na nan cas. Por ehempel nan no tin un frigidaire, nan no tin un termometer caminda cu por controla e temperatura. No tin facilidad di awa eynan, unda cu esey ta un rol hopi importante pa e limpiesa. Pero esey si kier pone atencion, pa tur esnan cu ta bende cuminda, cu corda ora bo ta prepara of bende cuminda, bo mester haci’e mescos cu bo ta haci’e na bo cas, of den un restaurant. Esnan cu ta pueblo, cu ta bay cumpra cuminda cerca un di esnan cu ta bende cuminda durante actividad, of parada di carnaval, observa bon. Wak esnan cu ta bende cuminda, si en berdad nan higiene personal ta na ordo. Wak si nan tin e limpiesa na e luga. Si nan mannan ta limpi. Si nan cabey ta bon wanta, si esun cu ta prepara cuminda, no por huma mesun momento y despues ta prepara cuminda. Of e persona eynan ta niester, ta pasa su man unda cu ta y despues e ta bin y ta prepara, y sirbibo e cuminda.
Pueblo, observa e luga, unda e bari ta ubica. E ta cerca di unda nan ta bende cuminda. Tin cu corda cu bari ta atrae hopi muskita, bestia di manera cu eseynan ta esunnan cu ta cargado di bacteria cu por pasa over pa cuminda. Locual cu tin tambe cu ta e awa, cu ta un parti esencial cu DVG ta pone enfasis riba dje, pa esnan cu ta bay bende cuminda, cu e vendornan semper tin awa cu nan, pero e mester ta limpi y unda cu ta warda e awa, e jug mester ta limpi, pa contaminacion no tuma luga. Wak pa bo tin un habon pa bo laba bo man, serbete pa bo por seca bo man.
