Si bo pone hende traha den Douane, bo no ta bay stagna e economia segun sindicato di Douane. Bo ta haya e entrada cu gobierno tin derecho di haya, cual ta e tarea di Douane segun sindicato SADA. Tin cu hinca e placa pa Gobierno. No ta awor aki Douane a wordo lanta. Nan tin hopi tempo caba ta laborando. Semper y cuando bo ta mira cu berdad tin cu modernisa cierto cosnan. Pero no mester bay a costo di e entrada cu Gobierno tin cu haya. Ora cu tuma cierto decisionnan, mester tin e hendenan na su luga pa haci e controlnan, controlnan fisico, e na controlnan, ora cu unabes cu e carga bay, ta bay den e bukinan di e compania pa haci control. Si no tin e hendenan ey, e ora pakico mester pura un tipo di beleid asina, pa complace comercio, siendo cu e caha di gobierno ta wordo afecta.
A bisa e minister tambe esey. Apart di esey, SADA no solamente ta bringa pa e derechonan y posicion huridico di Douane cu nan ta spera y ta kere cu merece mas pa loke ta salario, pero nan tin idea con pa yuda gobierno crea mas fondo of haya mas entrada. Logicamente no ta bay divulg’e zomaar. A bisa minister cu nan ta dispuesto pa sinta den un setting formal pa inform’e ideanan. No solamente SADA ta un sindicato pa bringa derechonan di trahado, pero tambe nan deber ta pa yuda e economia di Aruba, yuda gobierno bin cu mas entrada y ta ideanan cu nan tin.
Ta spera cu unabes cu haya audiencia cu e minister, cu por trece esaki dilanti, Maduro ta sigur cu lo cay den bon tera unda cu por yuda e caha di gobierno.
E parti aki, locual ta pidiendo no ta un krenchi di tur e placa cu Douane ta hinca den placa di gobierno anualmente, cual ta mas of menos 300 miyon. Locual ta pidiendo ta un krenchi. No ta nada. Y tin mas idea pa yuda e gobierno pa loke ta e parti financiero.
