Un biaha mas RWZI na Bubali Plas a haya bishita indesea. E biaha aki vandalismo a wordo cometi riba un di e trucknan staciona den e cura. Trahador di RWZI a bay oficina situa na Bubali Plas y a nota cu un di e trucknan ta manera straño. Ora a bay controla a nota cu malhechornan a hinca santo den un tubo cu ta conecta cu e motor pa asina causa daño na e truck. Mesora a yama polis pa asina presenta y tuma datos di tur loke a wordo destrui riba e truck y e propiedad di RWZI na Bubali Plas. Polis lo purba haya esun responsabel pa e acto aki. No ta descarta cu ta mesun un persona cu a kibra algun dia pasa a comete e acto aki tambe. Tin un trahador cu algun siman atras a wordo manda cas y ta pensa cu e por ta tras di esaki. E tabata un chauffeur di un truck di DOW. Investigacion lo mester mustra si esey ta e caso.
