Rutte II ta desde diadomingo, e gabinete cu a sinta mas largo desde di dos Guera Mundial. E coalicion di VVD y PvdA ta gobernando ya 1749 dia y a tuma e batuta over di Lubbers III. E gabinete aki di CDA y PvdA a goberna entre 1989 y 1994 un dia menos.
E record no tabata un rason pa festeha pa e minister presidente demisionario Mark Rutte y su miembronan di gabinete. E ta un “mooie prestatie,” pero esaki ta bin, en particular pa e formacion lento, cu a tuma luga,” segun e lider di VVD a bisa diahuebs.
Ora cu e gabinete Rutte II a keda cla na final di 2012 pa bay goberna, tabata importante pa en realidad caba cu e biahe. Esey tabata desde e gabinete biña di VVD, PvdA y D66 (1994-1998) cu no a logra. Stabilidad primordialmente tabata importatne pa asina saca e pais for di un crisis economico profundo.
Salario di docentenan
Si e na final, e relacion entre VVD y PvdA eventualmente a fria door di e exigencianan di PvdA pa por aumenta e salario di e docentenan den enseñansa basico.
Minister Jeroen Dijsselbloem (PvdA) di Finansas a bisa diabierna prome cu e prome ministerraad despues di vakantie, cu e lo bay haci todo por todo pa soluciona e problema. Segun e “a surgi un esfera un tiki excita dimas” y tin “palabranan grandi cu a wordo uza.”
Apesar di e cuestion aki, e relacion personal den e gabinete a keda bon, e mandatarionan a accentua. Asina tambe tabata den crisisnan anterior unda cu e gabinetenan tabata tin di haber di riba “bed, bad en brood” (encuanto buscadonan di asilo).
Diamars, despues di e prome reunion riba presupuesto, lo bay come hunto y sigur lo para keto riba e hecho cu Rutte II ta e gabinete cu mas largo a sinta despues di e guera, segun Secretaria di Estado, Sharon Dijksma (Infrasctura y Medio Ambiente).
