Ruman ta spanta ruman cu machete den man

Diaranzon atardi basta unidad di Polis a wordo manda na un cas na Rooi Afo. Un homber di edad a yama Polis pasobra un hende a drenta su cas cu machete den man.

E mes ta pafo y no por haci nada. Na yegada di varios unidad di Polis nan a rondona e cas. E topa cu e persona cu a yama Polis tambe. A resulta cu esun paden ta ruman homber di 70 aña. E tin problema cu e otro ruman di dje. Ambos ta pensionado caba. E otro cu machete no tabata den e cas mas. E tabata na cas di bisiña. E bisiña tambe a papia cu Polis. E rumannan aki tin problema cu otro.

Ambos ta causa problema contra otro. Esun pafo ta bisa cu e ta biba den e cas na Rooi Afo y e ruman arma cu machete ta menaze. Esun cu machete ta bisa cu ta cashew el a bay corta y ningun momento tabata intencion di causa daño cu e machete. Esun pafo a bisa Polis cu ta gaña e ta gaña. Finalmente Polis a logra atende cu ambos. Esun cu machete tabata trankil. Polis ta spera cu trankilidad bolbe entre e dos rumannan di edad respeta.