Ruben Garcia a sufri un ataca di curason na su cas

7907
rbc mobile banking

Desde dialuna e tabatin dolor den pecho. Sinembargo diamars merdia e dolornnan a intensifica y anochi, cu ambulance a transporte di su cas pa Hospital. Ey Dokternan a atende mesora y a bin saca afor cu Ruben Garcia a sufri un ataca di curason. E ta interna awor den Cardiac Care Unit (CCU) na Hospital. E ta stabiel pero delicado, asina a informa nos.

Banco di Caribe

Ruben “Scorpio” Garcia na fin di October aña pasa a celebra su di 65 aña di bida. E ta casa cu Theresa y ta tata di dos yiu muhe y tin 1 nieto. Su carera na radio el a inicia dia 1 di juni 1970 na Radio Kelkboom, despues Voz di Aruba AM na 1976 y sigui pa Canal 90FM na 1989. El a muda pa Magic FM na aña 2002 y finalmente a bira Gerente General di Power FM. Ey e tin su programa radial ainda mainta y su programa asina popular riba diadomingo.

Dia 30 di october 2017, Ruben Garcia a celebra 65 aña di bida.

No mas cu den fin di siman ainda el a transmiti e parada grandi di Carnaval hunto cu su yiu muhe y su sobrina. Su flanel tabata indica cu no tin “lafheid” y manera semper, a entretene e publico scuchando riba ruta pero tambe esunnan na cas.

Su casa, Theresa, huntando Ruben Garcia cu sunblock diadomingo ultimo durante parada grandi di carnaval.

Ruben Garcia no ta un pashent di curason, pues no tin un historia di retonan cardiaco. E dolor den pecho como tal no a lanta sospecho cerca dje cu ta su curason ta fayando. Ora atardi el a haya e dolor mucho mas fuerte, a pone cu famia a dicidi di bati alarma y yama ambulance.

Nos ta desea Ruben Garcia un pronto recuperacion. Descansa e curpa poco y sigui conseho di dokter. E proceso di recuperacion despues di un ataca di curason ta largo. Tipo di mensahenan asina ta inspira un cambio radical den forma di biba, come y move…..no pa un par di dia, sino pa senper di bo bida. Corda….Bo oyentenan y televidentenan ta pendiente di Bo pa hopi aña mas!

Comments

comments

Ford 2017 Test Drive
Dragon Fly