Diadomingo atardi un grupo di mas voluntario a sali pa St Maarten. Nos yudanza tambe ta necesario pa duna un man na e problemanan cu e horcan Irma a laga atras. Miles di hende mester di yudanza. No tin awa, no tin coriente y scarcedad di cuminda. Esaki ta un foto na parti pazuid di aeropuerto na salida di e grupo di mas voluntario.Nan a sali riba e avion di Kustwacht. Ya caba tin grupo di Rode Kruis presente na St Maarten y nan a yega prome cu e horcan a pasa. Na aeropuerto a mira presencia di Eddy Oduber cu ta presidente di Cruz Cora, Comandante di Cuerpo di Rode Kruis Aruba, Voluntarionan, Rino Hermans hefe di Rampen Buro y coleganan. E grupo aki lo wordo encabeza pa Marla Dominguez cu ta topa tambe cu e otro coleganan cu tey caba pa un siman na St Maarten yudando. Nan a sali cu tas prepara cu cuminda y awa pa tres dia. Esey ta pa consumo. Awa pa baña no tin. Polisnan mes cu a bay desde nan yegada no a baña pasobra no tin awa. Nan tambe ta yudando. Rode Kruis Aruba ademas di cuminda di pa tres dia, a sali cu basta caha cu boter di awa. Rampen Buro mes tambe tin contacto via radio Amateur y asina ta haya datos di tur loke ta e situacion y cordina tur cos pa e cana bon. Tin famianan cu kier bolbe Aruba mirando cu e daño na St Maarten a afecta miles y miles di hende. Tin di nan a keda sin hogar. Pesey awor tur pais den reino mester saca un man.
