Den e carta cu MEP a entrega na Ministerio Publico, a haci adicional, los di cuminsa e investigacion, a haci tres peticion. Pa e fraccion ta importante pa no trata score politicamente, sino trece cambionan duradero. Tjon a bin ta bisa esaki tambe, como politico, mester realisa cu nan tey pa un rato so, pasobra tur cos ta pasahero. Pero loke ta laga atras ta duradero.

Un peticion specifico cu a haci tambe, ta pa ora cu nan haci nan investigacion, e hayasgonan, nan comparti esaki tambe, tanto cu bestuur, como cu parlamento. 

Pakico

Fraccion di MEP kier sigura cu door di e hayasgonan aki, maneho lo wordo adapta di tal forma cu locual a sosode den pasado nunca mas no lo sosode y na mes momento tambe e hayasgonan aki cu wordo comparti cu parlamento, percura pa tur ley cu mester wordo adapta pa practicanan cu a bin ta condena awor aki, no por sosode mas den futuro. 

Con sigur

No ta prome biaha cu fraccion di MEP ta yega na porta di Ministerio Publico acusando pa entrega keho, acusando gobernacion anterior di corupcion. Por ehempel Otmar Oduber ta uno, cu MEp a entrega keho contra dje di corupcion cu documento den man y te awe ningun musca a bula.

Tjon a splica cu e no a bin ta acusa ningun hende di corupcion ni nada. Pero si, ora cu como lider di fraccion entrega algo, ta pasobra el a haci su huiswerk prome. El a agrega cu e no lo entrega algo si e no ta para su tras. Semper ta keda na ministerio publico ki decision nan lo tuma. Fraccion en todo caso tambe, si nan dicidi pa no haci nada, cual ta mustra hopi inusual. Fraccion tambe tin otro cosnan cu por haci. Nan por apela y manera el a yega di bisa durante conferencia di prensa, no ta descarta un encuesta parlamentario.

Pesey nan no ta bin ta acusa ningun hende ni menciona nomber, pasobra pa nan ta importante pa e berdad sali na cla, sin menciona nomber, sin acusa ningun hende. Pesey a bin bisa prensa cu si nan kier sa mas detaye, nan acerca e lider di investigacion, cual awor aki ta ministerio publico, pa sa kico nan lo kier y por divulga.

Ki pasa lo contrario

Si nan no ta mir’e mescos cu e fraccion, sr. Tjon a menciona cu ta depende ki splicacion nan duna, nan ta acepta. Kico a hinca tambe specifico den e carta, ta tres punto cu aki dos siman, en todo caso, lo acerca nan pa scucha, no e decision cu nan lo tuma, pero con nan lo bay sigui cun’e. Adicional tambe a bisa nan cu si ta e caso cu pa x motibo y motibonan cu tin di haber cu placa, recurso, capacidad, hende, nan no por atende cu esaki, pa laga e fraccion sa, pasobra e ta hopi importante y atrabes di e derechonan cu nan tin como parlamentario, nan lo percura en todo caso pa haci nan esfuerso pa e fondonan necesario pa nan por haci nan investigacion wordo aloca tambe e ora.

OM Cauteloso

Fraccion di MEP sa cu ministerio publico ta cauteloso. Y ta esey ta e motibo cu nan no ta menciona nomber, pa asina Ministerio Publico por haci nan trabao den tur trankilidad. Adicional di e banda aki tambe, ta haci un apelacion mesora na tur parlamentario. Por a tuma nota cu e ex mandatario di husticia a haci algun insinuacion ultimo durante rueda di prensa, acusando MEP di ta trata di susha e investigacionnan, pone presion y esey ningun rato tabata e caso. Tjon no ta compronde e insinuacion y e acusacion cu el a haci.

Tjon ta haci un apelacion na su coleganan den oposicion, pa nan no bay pinta esaki como persecusion politico y pa nan tambe keda responsabel, madura y laga ministerio publico traha bao di tur trankilidad.