E weekend cu ta tras di lomba a tuma lugar den nos clubhouse na Nieuwstraat 11, Oranjestad, nos acostumbrado torneo di ahedres “Copa Himno y Bandera”.
E torneo aki a wordo hunga den 3 diferente categoria.
Categoria Open y U-18 a wordo hunga riba e dianan 16, 17 y 18 di Maart. Y e muchanan bow di 12 anja, a hunga nan torneo riba dialuna 19 di Maart cu tawata un dia liber di skol.
Den Categoria Open, a termina na promer lugar un hungador hoben di 16 ana Brian Diaz. Brian a score 4 punto for di 5 partido. E la tabla solamente 2 partida y a gana 3
Na segundo lugar a termina un otro hoben di 14 anja, Ilya Stetsenko. Ilya a score 3 ½ punto for di 5 y e tercer lugar a bay pa un otro hoben di 14 anja, Ethan Croeze. Ethan a score 3 punto for di 5. Den categoria Open a participa un total di 8 hungador di cual 5 ta hungadornan hoben bow di 18 anja. E biaha aki, si nos hubentud a laga hungadornan grandi cu experiencia atras y a bay cu tur e premionan.
Den U-18, un total di 13 hungador a participa.Na promer lugar a termina sorpresivamente un 
mucha muher di 13 anja Lesley Cielo. Lesley a gana tur su contricantenan y a termina cu 5 punto for di 5 partido.
Na segundo lugar a termina Eldrick Donata. Eldrick a score 4 punto for di 5 partido. E la perde solamente di Lesley. Y tercer lugar a bay pa Dhruva Chatlani. Dhruva a score 3 ½ punto for di 5.
Best player under 16 Years (U-16) cu no a cay den premio a bay pa Thamara Sagastegui. Y best player under 14 years (U-14) a bay pa Aimara Ballestero.
Den categoria U-12, tawata tin un total di 22 participante. Esaki ta mas hopi cu participantenan di Open y U-18 hunto.
Na promer lugar a termina sorpresivamente un hungador di 8 anja, Patrick de Roo. Patrick a score 6 ½ punto for di 7 partido. E la tabla solamente 1 partida. Na segundo lugar a termina Thamara Sagastegui. Thamara a score 6 punto for di 7 partido. Y tercer lugar absoluto a bay pa Samantha Aponte.
Prijs uitreiking a tuma lugar separa den mucha muher y mucha homber.
Thamara a bay cu e promer lugar den Girls under 12 years. Segundo lugar a bay pa Samantha Aponte y tercer lugar a bay pa Aimara Ballestero.
Promer lugar pa Boys under 12 years, a bay pa Patrick de Roo. Segundo lugar pa Gian Giel y tercer lugar pa JeanPierre Acevedo.
Federacion di Ahedres Aruba kier a gradici Stichting Sportsubsidie Aruba (SSA) y Lotto pa Deporte pa nan aporte na e torneo di ahedres aki.
