Friday, 18 April 2014
Bispo di Aña Mario Wernet a gana e jackpot grandi di Tic Tac Toe Print E-mail
Thursday, 03 January 2013 18:32

WINNER-TICTACTOE (Copy)

Mario Wernet a cera 2012 y a brinda "bonbini" na 2013 riba hopi bon pia, celebrando cu el a bira e ganado di e jackpot di fin di aña di Tic Tac Toe. Como cu tabata e ultimo dia di aña y Lotto tabatin un promocion special cu Tic Tac Toe, Sr. Wernet a dicidi di purba su suerte cu e wega aki. El a cumpra tres ticket na Mandingo's Snack, cual ta unda semper e ta cumpra su Lotto, y despues di e sorteo a resulta cu riba un di e ticketnan el a haya cuater linea.

No tabatin ningun persona cu a haya cinco linea y ademas Sr. Wernet tabata e unico persona cu a haya cuater linea. Asina el a bira e solo ganado di e jackpot di Afl. 63.584! Pa e mega promocion di Tic Tac Toe tabatin hopi pedida di parti di hungadonan cu tabata kier pa e sigui y Lotto a dicidi di extende e wega promocional Tic Tac Toe pa DOS LUNA MAS. Pues awo Tic Tac Toe ta obtenibel tambe durante januari y februari 2013! Lotto, e loteria di Aruba a anuncia cu como cu dialuna lo mester tabata e ultimo dia pa Tic Tac Toe, e jackpot grandi, progresivo mester bay! A dicidi cu e premio lo bay pa un ganado of lo wordo parti entre mas ganado, pero hecho ta cu despues di e sorteo Lotto mester entrega un of mas check pa e premio final di Tic Tac Toe pa 2012. Sr. Wernet a kere na prome instancia cu el a gana 56 mil florin, pero como cu Tic Tac Toe tabata ofrece un premio progresivo, el a haya e gran sorpresa cu el a gana en realidad mas di 63 mil florin. Diahuebs mainta Sr. Wernet a ricibi su check di Lotto, unda cu el a laga sa cu e ta bay disfruta di su premio manera debe ser. Lotto, e loteria di Aruba tin shete diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter