Repsol a drenta fase 3 di exploracion di gas

343
CMB EAmigo GIF
rbc mobile banking

Ta conoci cu Repsol a anuncia cu nan ta drenta den fase 3 di exploracion cu ta encera cu ta bay haci un proefboring den e fase aki. Durante 2017, Repsol a cuminsa cu e preparacionnan pa planifica un proefboring den e aña aki, esta 2018. Esey ta e status cu ta den dje awor aki, segun director di Compania Arubano di Petroleo (CAP), Armando Curret.

Banco di Caribe

Repsol ta den preparacionnan cu tin cu haci ora cu tin cu haci un proefboring. Nan a cuminsa ta prepara tenders pa haci invitacion pa diferente subcontratista, entre otro pa e instalacion di boor. E por ta un boorschip, of plataforma. Pero en todo caso, mirando cu ta den lama hundo, ta un instalacion cu ta drief, cu ta flota. Den e tipo di trabaonan aki tin un hala di otro subcontratista. Esey ta loke nan ta bezig cun’e.

Tin cu haci un diseño di e pos. No ta djis yega cuminsa bora. Bo tin cu tene cuenta cu e subsurface, e condicionnan bao di suelo cu bo por spera, a base di e trabaonan geofisico cu a wordo haci den añanan anterior. Esakinan ta trabaonan tecnico cu ta wordo haci, principalmente na Houston, pero tambe na Madrid. Den 2017 tambe a haci un Enviromental Health Social Impact Assessment prome cu haci un proefboring pa tene cuenta vooral pa aspectonan cu por tin influencia riba medio ambiente, asuntonan di safety etc. Tabata tin diferente trabao di preparacion cu a wordo haci y pa hopefully pa Repsol por haci un proefboring pa e proximo añanan. Tur esaki segun e obligacionnan di trabao den e contract.

On schedule

Tur cos ta on schedule, segun Curret. E fase di exploracion di fase 3 ta dos aña y mey y ta full na tempo cu e proefboring. Si ta den curso di e aña aki, cual ta e intencion.

Feedback

Awor tur cos ta keto, pero trabaonan si a continua. Pa dicidi si ta bora of no ta bora y unda ta bora a tuma luga. E trabaonan cu ta tumando luga awor aki, ta trabao pa e proefboring mes. Esey ta caminda nan ta awor aki.

Un señal

Segun Curret, e resultadonan cu tabata tin den e posnan den pasado, offshore di Aruba, e cercania cu tin cu e veld perla den golfo di Venezuela ta indica cu e area cu nos ta aden, tin chens cu por haya gas, si tin algo. Di un otro banda sa cu den golfo di La Vela de Coro, den pasado tabata tin descubrimento di gas y di azeta. Nos ta den un area nobo panort di e isla, unda cu no tabata tin proefboring den pasado. Bo no por exclui cu no tin azeta tambe. Pero e setting regional ta indica te cu awor aki, chens ta grandi cu ta gas si bo haya algo. Pero tin chens pa haya azeta tambe.

E trabaonan

Segun Curret e relacionnan cu Repsol ta bono. Repsol a bin y conhuntamente cu su partner Total, e consorcio ta 50/50. Pero Repsol como operator ta esun cu tin e contactonan diario di trabaonan directo cu nan. Tur cos ta bayendo conforme loke ta spera.

Situacionnan cu por desvia

E situacion no ta suppose di desvia. Pa bay di fase 2 pa 3, tabata tin un extension di e fase 2 pa diferente motibo. Un motibo importante tabata cu den e fase 2 ta haci un survey sismico 3D cu tabata segun contract minimalmente 1000 km2. Pero loke nan a haci ta 3000 km2. Tabata tin un volumen substancialmente mas grandi di loke tabata e minimo cu mester a wordo haci. Pa procesa esaki a tuma mas tempo y e datonan aki tambe a tuma mas tempo. E cos aki a coincidi tambe cu e tempo ey Shell a cumpra British Gas, cu tabata un di e partnernan di e consorcio y a retira BG for di e consorcio. Tabata temperada cu prijsnan di azeta a cay drasticamente. Tabata tin un combinacion di factor cu a haci necesario pa tin e flexibilidad pa rek e fase 2 un poco, atrobe sin cambia e fecha final di fase 3. Mientras tanto sa cu e contratista Repsol, a bay over pa bay fase 3 y nan ta ehecutando programa di trabao di tal forma cu nan ta full on schedule den fase 3.

Comments

comments

Dragon Fly
Ford 2017 Test Drive