Recientemente Departamento di Relacionnan Exterior tabata anfitrion di coleganan di e paisnan di Reino Hulandes, cu a bin topa na Aruba pa atende asunto di tratadonan internacional. Representantenan di e Ministerio di Relacionnan Exterior na Den Haag y di e Departamentonan di Relacionnan Exterior (DBB) di Sint Maarten, Corsou y Aruba a repasa hunto e diferente tratadonan cu ta den proceso pa wordo ratifica y implementa pa e paisnan.
Aruba, como parti di Reino, ta forma parti di un gran cantidad di tratado y acuerdo internacional, cu ta crea oportunidadnan importante pa nos pais.
E asina yama “Verdragenoverleg” ta un encuentro cu ta tuma luga tur aña, cada biaha den un di e paisnan di Reino Hulandes y ta percura pa esunnan encarga cu e tema aki por coordina maneho, den e caso aki riba tereno di tratado.
Haciendo uzo di medionan tecnologico cu ta disponibel awendia, por haci e comunicacion entre e departamentonan mas efectivo.
