A gara dos ilegal riba e caminda di Tanki Flip den vecindario di consultorio di dokter Sneek. Algo pasa di 7or diasabra anochi, Polisnan di Noord a bay yuda Recherche di San Nicolas cu tabata bezig cu un investigacion. Nan tabata buscando un sospechoso den e area.
Pasando banda di e consultorio a topa cu dos homber den un Daewoo Lanos color berde numera A-31324. Polis a bay para nan pa control y aki nan number a hunga. Nan a cuminsa conta diferente storia y no a haci wega cu nan y a detenenan mesora. A resulta cu nan ta ilegal.
A detene nan y entrega nan na Warda nos Costa.
