Staf tecnico di RCA ta cla pa Copa Don Elias Mansur

Sport Vereniging Racing Club Aruba, RCA, ta cla pa e campeonato Copa Don Elias Mansur cu ta cla pa inicia. A reenforsa e team pa sigura e copa aki y su tras e campeonato nacional di Division di Honor.

Pa e campeonato 2018 – 2019 e Tricolornan di Solito a arma nan cuerpo tecnico, encabesa pa e Argentino Alejandro Avila. Prome asistente ta e conocido Sjurendi Granviel. Di dos asistente ta e dama Milvienne Henriquez. Entrenador di arkero ta e popular “Profe” Genaro Vargas y trainer di condicion e Hulandes Tri-Atleta Joey Koeverman. Team-leader un biaha mas ta Danny Kelly y Fisio ta Icho Matos. For di Hulanda a yega bek e “Companashi Kid” Roan Petronia y tambe “Tanki Leendert Boy” Yanuel Kelly. Otro refuerso ta Jeanpierre van der Biezen cu a bin cas bek pa cubri e Arco.

Tambe ta conoci e fechanan pa Copa Don Elias Mansur 2018, apertura diahuebs 20 di September y final diadomingo 30 di September. Ekiponan cu ya caba a confirma ta actual Campeon sv Dakota, Naranhada di St Cruz Estrella, Orguyo di Noord Bubali, Indjannan di Paradera Caiquetio, SC United, ASV RiverPlate, Samberonan di Brasil juniors y e ekipo di cas cu ta Soldatnan Tricolor RCA.