Tin un diferencia hopi grandi entre waf di Playa y esun di Barcadera. Antes nan tabata traha bao di un contracto hunto cu APA. Cu e cambio den henter e movemento di waf, el a bira un proyecto caminda cu nan mes mester a forma parti di financiamento, e diseño y mantencion. Segun Randall Angela, ta un contracto cu nan tin pa 25 aña cu sin duda ta rekeri hopi mas di nan como ASTEC, pa ta hopi cauteloso cu cifra. Nan ta responsabel 100% cu tur locual cu tin di haber cu nos economia. Si wak bon, 99% di e carga tur cos ta pasa door di waf y ta un obligacion di ASTEC pa sigura cu tur locual cu ta economia, nos turismo, etc. pa mantene. Pa e simpel motibo aki, tin mas stakeholder envolvi. Esey ta pone cu nan mester ta hopi cauteloso riba tur nan movecionnan cu nan ta haci.

 

Protesta

Den e caso aki, e trahadonan tin derecho pa nan reuni. Den pasado el a yega di pasa caba y no ta nada diferente. Pa loke ta ASTEC nobo, tin un team mescos den caso di emergencia, un emergency team, y den e caso aki tambe tin. Nan por ta kisas un 40% cu ta pafo, pero tin hopi hende cu ta wak’e diferente y si ta parti di dje. Pa loke ta trata personanan cu no ta certifica, Angela a splica cu personal di mantencion ta rifa e ekiponan. Aparte di grueronan, tin dos top technician, cu conhuntamente cu e parti di fabricante di e grua, ora nan bin ta pasa door di nan y nan tambe ta den e proceso di certificacion, cual nan tambe ta certifica. Diferencia ta cu nan no por traha riba un speed, compara cu esnan cu ta haci’e tur dia. Pero tur ekipo eyriba, tur hende ta certifica pa haci’e.

 

Averahe di pago

No tin un trahado cu no tin derecho di mal pago. Naturalmente tur hende tin su pensamento riba aumento kico nan ta haya. Pa siman y pa luna. Loke cu tin, ora cu tin barco tin trabao, ora cu no tin barco, no tin trabao. Tur hende cu ta cana riba waf, di security te na esun di mas halto, tur hende ta bon paga.

 

Sinta na mesa

Ultimo biaha cu nan a sinta cu otro tabata na inicio di December. Den e caso aki tabata cu STA. Mirando cu nan a keda cla cu STA, nan a warda pa sigui den e aña siguiente. A bay duna e opcion na e grupo mas chikito, cual ta UPA, unda cu a honra nan cu esey ta loke cu ta ofrece na STA y ta keda na nan pa nan hung’e fair cu tur dos partido. A sinta cu nan cuater biaha. Nan no kier a yega na otro, esta STA y UPA. Gerencia tin cu respeta e referendum cu ta STA ta e sindicato mas grandi y naturalmente ta cu nan, ora cu ta asina leu, tin cu yega bek na mesa.

 

Gerencia en todo caso no lo permiti pa ningun protesta afecta e operacion di e compania. Nan tin cu duna cuenta na APA di tur loke nan ta haci y un di nan sigur ta duna servicio. Akinan, sin duda awe ta e dia cu tin e barco di mas principal. Esaki lo tin un efecto grandi si no traha riba e barco y ta netamente locual cu no por laga pasa. Den esey siguramente tin cu cumpli cu e demanda cu tin eyfo y percura cu nos economia no wordo afecta.