Pronto ministernan De Meza y Eman ta sinta cu piscadornan pa defini lista di piscanan proteha

Tin un LB (LandsBesluit) den circulacion den cual tin un lista largo di nombernan di
entre otro pisca y otro especienan acuatico cu no mag di wordo pisca, pasobra nan lo ta proteha pa ley.

Tuma bon nota cu e LB aki no ta firma door di Minister de Meza, kende ta e minister encarga cu medio ambiente ni tampoco door di Minister di Husticia Dowers. Esaki pasobra cu ni Minister de Meza ni ningun otro minister a sinta cu partidonan envolvi pa defini e lista aki pa loke ta e piscanan y otro especienan proteha pa ley. Durante e dianan aki mandatarionan lo sinta cu piscadornan pa yega na un lista apropia unda tur partido ta satisfecho cu ne. Aunke cu na Aruba no tin sobrepesca, asina mes tin cierto pisca y  especienan acuatico cu mester wordo proteha pa ley pa nan no bay perdi. Pronto ta bay tin mas aclaracion riba e topico aki.