Di acuerdo cu pronostico di Servicio Meteorologico di Aruba, awenochi shelo lo ta levemente te parcialmente nubla cu posibilidad di awasero breve. Den marduga y diamars lo ta parcialmente te temporalmente hopi nubla cu localmente un yobida. Temperatura maximo lo ta di 30 grado celsius y temperatura minimo 25 grado celsius.
Biento:
Biento lo ta modera for di direccion oost te noordoost cu forsa di 3 te 4 (12 te 30 km/ora, 7 te 16 nudo)
Den dia basta fuerte te posiblemente fuerte den rafaga cu forsa 5 te 6 (31 te 50 km/ora, 17 te 27 nudo)
Situacion general di tempo:
Den proximo 24 ora ainda tin suficiente humedad den nivelnan mas abou di atmosfera cu por causa temporalmente hopi nubia den nos region. Localmente esaki por desaroya mas awasero, den nan mayoria breve, riba isla di Aruba.
Condicion di lama:
Olanan di lama lo ta for di direccion oost cu haltura di 4 te 6 pia; e olanan di mas halto lo ta na costa noordwest di e isla. Ta pidi usuarionan di lama pa tene cuenta cu esaki. Temperatura di superficie di lama: 26 grado celsius.
Pronostico di tempo pa proximo dianan di siman:
Parcialmente nubla cu chens pa awasero local. Biento lo ta for di direccion generalmente oost y modera te basta fuerte, Posiblemente fuerte den rafaga;
Lo publica e proximo boletin di tempo riba diamars 2 di januari 2018 pa 5:00pm.
