Prome siman di Nochi di Pelicula exitoso

Bureau MFA por mira atras na un prome siman di Nochi di Pelicula exitoso. Durante e siman aki a pasa e pelicula Coco na MFA Noord, MFA Paradera y MFA Savaneta cu salanan yen y cu entretenimento.

Esaki ta un evento gratis pa nos muchanan di bario y becindario durante e periodo di vakantie grandi. Bin cu famia y amigonan y disfruta di e peliculanan. Otro siman nos ta presenta e pelicula Ferdinand sigi pa Nut Job 2 e siguiente siman.

E peliculanan lo wordo pasa riba diamars na MFA Paradera, riba diaranson na MFA Noord y riba diahuebs na MFA Savaneta.

  MFA Paradera MFA Noord MFA Savaneta
Ferdinand 17 di juli 18 di juli 19 di juli
Nut Job 2 24 di juli 25 di juli 26 di juli

 

Bureau MFA kier a extende un invitacion cordial na pueblo di Aruba pa bin disfruta di e peliculanan aki. Orario ta di 7.00 pm – 9.00 pm. Pa mas informacion yama MFA Noord na 281-0001, MFA Paradera na 281-0005 of MFA Savaneta na 281-0010.

Mision di Bureau MFA ta pa ofrece diferente servicio sea publico of priva mas efectivo y mas serca di cas y tambe promove y facilita e participacion y interaccion social y cultural di e ciudadanonan den comunidad sea cu actividadnan educativo, recreativo y social/cultural pa tur edad.