Diaranzon atardi Polis a wordo manda basta pura den direccion di e casnan di pueblo na Noord. A drenta informacion cu tin un pelea entre grupo y tin un hende herida. Ora cu Polisnan a yega den Frankenstraat cu Semeleerstraat a haya un grupo di hoben.
A bay papia cu nan y a compronde cu ta un auto a yega na e adres cu mas hende aden. A baha cu arma blanco pa agredi esnan na e cas. Polis a purba atende cu e hendenan presente pero nan no kier a copera masha cu polis cu tabata tin mester di informacion.
Mirando esaki polis a dicidi di sigui su caminda. Mas despues den oranan di anochi atrobe Polis a wordo manda cu urgencia den direccion di Monsterat. Eynan tin pelea y ta manda un cas cu baranca. Ora cu Polis a yega tabata tin basta tension. A resulta cu un Nissan March a presenta cu algun hende causa problema. E Nissan March ta A-38803. Varios unidad di Polis a cuminsa un buskeda pa e auto. A bin topa cune den Frankenstraat. A confisca e auto y bay cune warda di Polis. Por spera mas problema.
