E premio miyonario di Lotto 5 riba diasabra a conoce un solo ganado di 1 miyon 650 mil florin y Nasett Lottery den Bernhardstraat a bende e Premio. E numbernan ganado di Lotto 5 ta 07-09-10-16-19.
Den apenas 24 ora, tres persona a bira miyonario cu Loteriadi Aruba. E premio di diabierna tabata asina grandi cu dos persona a reparti e premio y tog keda miyonario cu 1.3 miyon cada uno. Ambos premio di Mini Mega a cay den distrito di Noord entre Montaña cu Palm Beach.
Dialuna si ta bon tur tres ganador por presenta cu nan ticket den man y asina cobra nan premio miyonario.
Pabien na tur esunnan cu a gana premionan grandi riba un fin di luna di Januari. Premio pa Diaranson awo di Lotto 5 ta cuminsa na 100 mil florin.
