Pre Selecion Masculino den pleno preparacion

Directiva di Aruba Softball Bond den ful swing cu un catidad di trabow y preparacion. Desde cu e Directiva nobo a wordo eligi 13 di December 2017 trabou duro a continua. Tur diaranson tin reunion unda ta atende y ta avansa den tur preparacion. Pre Selecion Masculino ta den pleno preparacion pa nan proximo compromiso cual lo ta competencia di CONSURSA esta di paisnan Sur Americana unda ya 11 pais a confirma. E competencia aki ta inportante pa puntuacion y ranking pa asina poko poko pero sigur Aruba keda progresa riba e tabla di ranking mundial. Basa riba performance di cada atleta den campeonato 2017 a convoca un total di 28 atleta mas 3 reserve pa e entrenamento. Un Plan di entrenamento a wordo prepara pa entrenador proficional Luis Pire bou di cual e Staff Technico ta manteniendo nan mes y mester accentua training nan di un calidad hopi halto. Tur dialuna y tur diahuebs di 8 pa 1030 pm pre selecion ta den acion na Flatstone mientras otro 2 ves pa siman nan ta den gym y ta core na Linear park. Staff Technico Poy Flanegin Manager, Edward Cannister Coach, Henk Arnold y Richard Flaneging coach y Jonathan Ramada entrenador fysico. Despues di e promer 7 secionnan oficial di entrenamento mester accentua cu averahe 22 atleta na cada entrenamento cual ta un ratio hopi bon. Aruba Softball Bond lo keda traha duro pa asina hiba nos talentonan hoben pa un nivel competitivo riba plataforma internacional. Softball den pleno desaroyo!