Tuesday, 21 October 2014
SETAR ta introduci paketenan “unlimited” pa e pueblo di Aruba Print E-mail
Monday, 12 August 2013 09:47

UnlimitedPackages03

Awe SETAR ta introduci “Unlimited Packages” pa e pueblo di Aruba. Esakinan ta paketenan “unlimited” tanto pa telefon celular postpaid como prepaid. Tin 8 pakete den e servicio di prepaid y 7 pakete den postpaid.

Esaki ta duna e clientenan un escogencia hopi amplio y ta e prome bundlenan cu SETAR ta ofrece cu ta inclui yamada, SMS y data. 7 diferente Pakete “unlimited” pa clientenan di SETAR Postpaid Den e “Unlimited Package” den servicio di Postpaid e cliente ta ricibi pa un suma fiho pa luna: Minuut y SMS “unlimited” pa celularnan di SETAR pa otro celularnan di SETAR, un cantidad di minuut pa yamadanan internacional pa 12 destinacion, yamadanan pa numbernan fiho y yamadanan pa celular di otro operadornan local. E minuutnan pa yamadanan internacional ta valido pa e siguiente paisnan: Colombia, Hulanda, Bonaire, Corsow, St. Maarten, St. Eustatius, Saba, Merca, Venezuela, Republica Dominicana, Peru y China. Tur e bundelnan ta bini cu un cantidad di data inclui. Tin por ehempel un pakete di postpaid di 104 florin pa luna cu ta inclui 3000 minuut y 1000 SMS pa tur celular di SETAR, 100 minuut pa yama destinacionan internacional of yama local pa liña fiho y celular di otro operadornan. Hunto cu tur esaki e abonado ta ricibi 3GB di data den e pakete aki. 8 diferente Pakete “unlimited” pa clientenan di SETAR Prepaid SETAR ta ofrece un total di 8 pakete “unlimited” pa clientenan di servicio di celularnan prepaid. Tin 4 pakete cu ta ofrece “high speed” te cu 7.2 Mbps y 4 pakete cu ta ofrece “super speed” te cu 14.4 Mbps. E paketenan “unlimited” di prepaid ta mara na tempo p.e. 1 dia, 7 dia, 14 dia y 30 dia. E pakete di un dia ta costa 8 florin y ta inclui 300 minuut, 25 SMS y 250 MB na data. Esun di 7 dia ta 30 florin y ta inclui 1200 minuut, 50 SMS y 150 MB na data. E pakete di 14 dia ta 45 florin y ta inclui 2000 minuut, 100 SMS y 1 GB di data. Pa cumpra e paketenan “unlimited” di prepaid usuarionan ta:

• Primi *123# • Primi opcion 4 pa haya “Buy prepaid unlimited”
• Scohe e “speed” desea, sea “high speed (7. Mbps)” of “super speed (14.4 Mbps)”
• Scohe e pakete hunto cu e cantidad di dia
• Primi 1 pa confirma e pakete y e ta activ’e den e celular.

E beneficionan pa adkeri un di e paketenan atractivo aki di SETAR tanto postpaid como prepaid ta mas cu obvio. Clientenan ta ricibi hopi minuut gratis pa yama otro celular di SETAR, cual ta cubri un gran cantidad di celular na Aruba. Cu introduccion di e paketenan “unlimited” aki SETAR ta ofrece su clientenan mas opcion. Cada cliente tin su estilo di bida y SETAR ta brinda un opcion pa un y tur. Pa mas informacion di kico cada pakete specific ta ensere bishita website di setar: www.setar.aw

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter