Friday, 31 October 2014
HBO cu di dos temporada di e serie hopi gusta “VEEP” riba servicio di Cable di SETAR Print E-mail
Friday, 19 April 2013 16:43
DSC_2063
Diadomingo, dia 21 di april pa 10’or di anochi na HBO East, canal 200, lo cuminsa cu e di dos temporada di Veep. Veep ta un serie den categoria di comedia, originalmente di HBO, protagoniza door Julia Louis-Dreyfut, ganadora di Emmy® Award, cu ta actua como e protagonista, e Vice Presidente di Merca.

Despues di un temporada exitoso di e serie humoristico aki, ta sigui e di dos temporada cu ta bai tuma un bista scerpi den e mundo di politico na Washington DC. Veep lo sigui e bida diario di e Vice Presidente Selina Meyer.   Mientras cu Meyer ta juggle su schedule druk publico, e ta pagando candelanan politico, y ta defende e interesnan di e president di Merca, apesar cu e ta purba tambe pa mehora e relacion desfuncional cu e tin cu e hefe ehecutivo. E temporada 2 ta sosode den e eleccionnan “midterm”, na unda Selina ta score un poco mas halto cu averahe den e ratingnan den varios encuestanan popular, cual e ta usa pa aumenta su influencia y pa crea fabor cu e president y su strategista Kent Davison (hunga pa e actor Gary Cole). Pero manera cu nos a wak den e ultimo temporada, e decision di mas simpel cu Selina y su staff haci tin un “ripple effect” cu por tin consecuencianan inespera y exagera. Durante 10 episiodio di e di dos temporada, Veep den un manera yen di hilaridad ta pasa e dia diario den politiqueria di oficina.

• A nomina e temporada 1 di Veep pa un Emmy® award como serie di comedia extraordinario y a ricibi hopi bon comentario di criticonan.

• Julia Louis-Dreyfus a gana un Emmy® y a haya un nominacion pa un Golden Globe pa su rol como Selina Meyer. Banda di rolnan popular durante “Seinfeld” y “The New Adventures of Old Christine”, Louis-Dreyfus tabata un personahe regular den e programa “Saturday Night Live”, tin aparicion den episodio di e program di HBO’s “Curb Your Enthusiasm”, y recientemente a estrena den e presentacion special di HBO Picture Paris 2012.

• Veep su reparto ta inclui actornan manera Tony Hale (Arrested Development) como Gary, Selina su man drechi; Anna Chlumsky (In the Loop, My Girl) como Amy, su chief of staff; Matt Walsh (Hung) como Mike, Meyer su vocero; Reid Scott (My Boys) como Dan, y su ambicioso ayudante politico: Timothy C. Simons (Days Together) como Jonah y Sufe Bradshaw (Prison Break) como Sue, Meyer su asistente ehecutivo. Invitadonan e temporada aki ta inclui Gary Cole (Entourage) como un “senior strategist” cu yama Kent Davison, Kevin Dunn (Luck) como staf di Casa Blanca Ben, y Jessica St. Clair (Bridesmaids) como Dana, Gary su prometida.

• Veep ta crea pa Armando Lannucci, kende ta scribi y dirigi varios episodio di e temporada aki. Otro directornan ta Frank Rich (di New York Magazine) y Christopher Godsick (Take the Lead), Simon Blackwell, y produci pa Julia Louis-Dreyfus y Stephanie Laing.

Pa mas informacion di e serie Veep por bishita nan pagina http://www.hbo.com/veep/.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter