Saturday, 29 November 2014
Director Roland Croes satisfecho cu SETAR NV a yega 10 aña di existencia Print E-mail
Monday, 04 February 2013 09:04
Comparti
DSC_2063
Setar NV ta den pleno celebracion di su diez aña di existencia dia 1 di Februari. Den conferencia di prensa, e director Roland Croes a bisa cu e prome bentaha mas importante di Setar como NV ta cu nan por reacciona mas rapido riba loke e mercado ta pidi nan.

E di dos ta e motivacion y training cu e empleadonan ta haya pa por duna e servicio optimal pa cual SETAR ta haya preferencia riba e competencia y ta keda e compania di telecomunicacion #1 di Aruba. Roland Croes a splica cu ora e ta reuni cu su empleadonan semper ta bisa nan cu tanto bal si nan por inverti miyones na mercadeo, si nan tin bunita edificionan, si e trahadornan tin bunita uniform pa ta presentable, si no tin motivacion pasobra e cliente no ta haya bon servicio, y loke ta haci Setar NV e compania cu e ta, ta su empleadonan y cu nan tin e tools di por duna nan entrenamento pa semper ta up to date den e servicionan cu nan ta duna tanto via telefon, como na cas di e cliente of den negoshi. El a menciona un par di e proyectonan cu a pone SETAR crece e ultimo diez añanan, manera e sistema automatiza di e cobranzanan, inversion den nan rednan movil di cable y internet, e cumpramento e combinacion Tele Aruba y TV Cable.

Croes a gradici e clientela di Setar NV, e shareholders e gobiernonan cu semper ta mustra confianza na e compania y e empleadonan, e Raad van Commissaries cu a duna nan espacio pa nan yega asina leu unda nan ta awe. Tambe el a menciona cu den un competencia fuertisimo cu Setar ta enfrenta e ta reconoce cu nan tin un sindicato cu ta compronde e retonan y cu e competencia tin su gastonan cu empleadonan unda cu Setar tin un limite pa locual por duna cu no ta exageradamente mas cu e competencia, y cu nan ta traha hunto cu gerencia apesar di cualkier diferencia di opinion, na bienestar di e compania y di e servicionan pa cliente. Kico pueblo por spera pa futuro ta un servicio 24-7, mas training pa e trahadornan, mas innovacion y conectividad, y mas speed.

dowers dowers  

Comentarionan (2)Add Comment
MAL contento
February 04, 2013
201.229.14.103
Votes: +4
...

10 anja ta horta pueblo! lamentablemente nada no lo cambia pa e next 10 anja nan cu ta bin tanten cu nan habri porta pa otro compania di telecominicacion pa nan tambe bin cu linja di Tel na cas, internet y cable, paso e cos ki ta un abuso!

Zombie
February 04, 2013
201.229.76.25
Votes: +7
...

E pueblo/clientenan no tur ora ta satisfecho cu e servicio/atencion. Tin algun cos cu mester drecha.....

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter