Thursday, 27 November 2014
Parlamentario Clarisca Velasquez: E barco di bela Ecolution ta simbolisa nos dushi isla Aruba Print E-mail
Monday, 21 January 2013 13:18
Comparti
DSC_2063
Ajera tawata un dia historico y simbolico pa Aruba! Despues cu e barco di bela "Ecolution" cu a sali for di hulanda y cruza oceano atlantico cu e meta pa riba energia di biento haci su biahe pa Aruba pa asina simbolicamente mustra cu e travesia cu e barco aki a pasa riba lama Aruba tambe lo bai pasa aden den nos meta pa haci aruba berde na anja 2020.

E meta aki ta un meta cu nos tur  tin cu traha hunto pa haci Aruba completamente independiente di petroli! Nos mester sinti nos masha orguyoso pasobra abordo di e barco di bela aki tawatin un hoben Arubiano Javier Sint Jago cu tambe a haci e biahe aki pa experiencia esaki den cuadro di su trabao di contribui cu haci Aruba berde na anja 2020. E hoben Javier Sint Jago a splica su experiencia abordo di Ecolution como un ehempel bunita cu Aruba tambe lo por pasa den dje durante su trajectoria pa haci nos isla berde completamente! Cu e travesia tawatin bunita experiencia pero tambe tawatin mal tempo hasta tempestadnan cu a haci e biahe basta dificil na dado momento. Pero si bo keda insisti y persevera lo bo logra! Ta bai tin momentonan dificil pero mester keda cu e focus pa logra e meta poni dilanti! Y asina Ecolution a jega su meta Aruba despues di a nabega pa 2 luna y algun dia riba lama. E jegada di e barco di bela Ecolution a jama atencion di prensa international cu tambe tawata presente pa cubri su jegada na Aruba!

Aruba ta un ehempel den reino y lo bira tambe pa mundo henter cu e meta bunita pero tambe lo contribui cu nos medio ambiente! Minister van binnenlandse zaken Roland Plassterk tambe tawata presente na jegada historico y simbolico aki di barco Ecolution. Aruba por ta orguyoso di nos gobierno cu su vision pa haci Aruba berde na anja 2020 y ta demostra esaki simbolicamente cu biahe di barco di bela Ecolution cruzando oceano atlantico riba energia di biento pa jega Aruba! Pabien na nos hoben Arubiano Javier Sint Jago cu tambe a haci e biahe aki demostrando sosten na e meta aki pa haci Aruba fossil free na anja 2020!

Comentarionan (5)Add Comment
asina mes
January 22, 2013
201.229.90.247
Votes: +2
...

Historico y Simbolisa nos dushi Isla Aruba? Tur parti mundo ta usa energia di biento pa anjas caba. Hopi siglo pasa Christoffer Columbus a cruza oceano ariba energia di biento. Nos por usa tur sorto di energia cu nos kier sin tin mester di paga miyones na un payaso cu ta bin tuma nos hasi.

MOOI WEER !!!!
January 21, 2013
201.229.125.195
Votes: +11
...

Sigur cu e ta simbolisa "Nos dushi Aruba".Clarisca....Hopi caro...y casi un jega !!!!!

ridic*lo ...............
January 21, 2013
201.229.70.197
Votes: +11
...

Parlamentario Clarisca Velasquez,
hasi bo trabow como parlamentario.
Bo ta representante di PUEBLO,
NO pa hasi PROPAGANDA pa projecto di gobierno di AVP.
shame on you..........

IFG
January 21, 2013
201.229.40.75
Votes: +12
...

E no ta un barco di bela , e ta un BOTO di bela...maar ja..bo no por ta un experto den tur cos....

politiek2013
January 21, 2013
201.229.43.36
Votes: +11
...

ja.ja...what a joke!!

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter