24ora.com ta lansa su mobile app pa productonan Apple

Thursday, 03 January 2013 16:03

Despues di algun luna di configuracion e website di noticia 24ora.com a lansa su aplicacion pa productonan di Apple esta entre otro e famoso Iphone, Ipod y Ipad. E aplicacion ta duna e usuario acceso directo na e ultimo noticianan cu ta wordo publica ariba 24ora.com. E ventaha di un aplicacion specifico ta cu e la wordo traha pa asina por wordo mira den un forma hopi mas facil pa lesa riba e asina jama “mobile devices”. E aplicacion ta uno completamente gratis pa download via di iTunes. Click lesa mas pa e LINK!

Algun di e servicionan di e aplicacion aki ta mira noticia di solamente e front page of selecta un categoria specifico. Tambe tin e opcion di mira e pronostico di tempo pa e sigiente dianan depende di bo localidad. Tambe e app ta duna e usuario e opcionan pa asina comparti e noticia sea via email of rednan social.

Director di 24ora.com Mark Benson Denz ta conta cu e tabata un placer pa por a traha hunto cu e desaroyador Conrad Bartels Daal. E contactonan tabata tuma lugar via email y telefon y pa e ultimo fase a topa cu e desaroyador na Aruba mes. Bartels Daal ta un “mobile developer” y “IT Project Leader” cu dos aña di experiencia den mobile computing. E tin un bachelor degree den Computer Science y ta graduando awor na Universidad di Utrecht cu su masters den Business Informatics. Pa su persona e tabata un honor pa por a traha e mobile app pa 24ora.

CLICK AKI PA DOWNLOAD E APP

E 24ora App ta compatible with iPhone 3GS, iPhone 4, iPhone 4S, iPhone 5, iPod touch (3rd generation), iPod touch (4th generation), iPod touch (5th generation) and iPad.

Den e sigiente luna lo estrena e aplicacion pa tur mobile devices cu ta traha riba e tecnologia di Android.

24ora.com ta existi for di Maart 2007 y ta forma parti di Headlines Group cual ta opera 24ora.com, 24ora.an, ArubaHerald.com, iTV Canal 49 y SMS News On 2400.