Dr. Casper Lacle ta specialista di curason desde hopi aña caba na Aruba y ta orguyoso cu a inaugura un sala masha bunita y moderno. Ta apertura di un laboratorio di Cateterisacion nobo na Aruba, unda cu no solamente por haci diagnostico, pero cu por atende esnan cu ta sufri di enfermedad di adernan di curason.
Muy en particular, pashentnan cu tin malesa cronico, pero tambe esnan cu ta sufri di problemanan di ader cera agudo. Por ehempel ora cu nan haya un atake di curason. Nan lo por yuda nan eynan, caminda nan ta habri e ader y minimalisa e daño cu un ader cera por causa na e curason.
E mashin
Segun dr. Lacle, antes nan tabata trata e pashentnan cu remedi y pone nan den un Air Ambulance y mandanan den exterior pa haya e tipo di tratamento cu e dokter a menciona. Ta papiando di mas of menos 50 pa 70 pashent pa aña cu tabata manda cu Air Ambulance pa e tratamento aki. Fuera di e hecho cu tin cu manda un hende den exterior, ta sumamente mas di calidad, cu si e por ta yuda di biaha. Cu transporte di Air Ambulance, semper tin un retraso.
Prome cu e pashent yega su destino, ta papiando di 7 pa 9 ora prome cu haya tratamento, mientras cu na Aruba, ora cu un pashent drenta cu un atake di curason, den menos cu 20 minuut nan ta yude. Y dentro di un ora despues, e por sinta den cama di intensive care ta come un pida pan.
Gastonan di e mashin
Pa loke ta e gastonan, AZV ta cubri, manera tur tratamento na Aruba. A calcula cu pa inverti den e laboratorio aki ultramoderno, pa e cantidad di pashent cu ta manda den exterior, economicamente lo beneficia pais Aruba tambe.
