Wednesday, 17 September 2014
Corda mantene bo comentario di acuerdo cu nos reglanan! Print E-mail
Wednesday, 10 June 2009 10:17
24 ora news jpg.jpg
Algun biaha pa anja 24ora.com ta publica un articulo pa corda su comentaristanan pa tene nan mes na e reglanan di duna comentario ariba 24ora.com. Mirando cu e website tin mas di 10.000 bishitante diario, esaki ta hasi cu tin hopi comentario ta drenta y e ta tuma hopi tempo pa aproba esaki specialmente ora cu cierto usuario no tene nan mes na e reglanan. Actualmente nos ta drentando un temporada di eleccion y esaki sigur lo bay pone e cantidad y e intensidad di comentario subi. E reglanan semper ta online na nos About us/Comment Rules page ful ariba. Pa facilita lesamento di e reglanan por Click Lesa Mas pa lesa e reglanan. 24ora.com ta gradici tur su comentaristanan pa nan cooperacion.

Nos Reglanan di duna comentario. Last Updated October 5 2008. Vers. 1.1

 


Aruba – 24ora.om ta duna su lesadornan e oportunidad pa reacciona riba noticianan selecta. E reaccionan di nos lesadornan ta representa e punto di bista y opinion die e lesadornan en cuestion. E contenido di e reaccionan aki ta cay bow e responsabilidad di e persona cu a manda un comentario. E comentario of vision di un persona cu ta duna comentario no ta implica 24ora.com cu 24ora.com tambe tin e mesun opinion of ta apoya e opinion. Pa 24ora.com no ta posibel pa verifica e berdad tras di reaccionan/comentarionan riba articulonan.


Con abo ta reacciona, ta na bo, pero si tin algun regal di cas. Nos moderadornan tin e tarea pa mira si bo ta tene bo mes na e reglanan, promer cu e comentario wordo publica.

 

Ora cu e ta na nos alcanse lo bo ricibi un email general cu ta informabo cu bo comentario no a wordo duna segun nos reglanan di cas y cu e comentario no a wordo publica. Debi na hopi comentario pa dia, esaki no tur biaha lo por ta e caso. 

E reglanan

No mag pasa riba nos leynan. (Por ehempel leynan di igualdad y di discriminacion. Tambe leynan cu tin di haber cu menasanan directo of indirecto). Comentarionan cu tin expressionan cu ta contra di ley no ta wordo publica.
Ta existi reglanan di respet. Reaccionan cu no tin respet pa otro y reaccionan cu no ta respeta e opinion di otro, no ta wordo publica. Respet comentario di un otro ta nifica cu bo por ta desacuerdo, pero duna bo argumentacion encontra den un forma respetuoso.

Comparacionan cu personanan manera Hitler, Dutroux, NSB-ers, Nazi’s, Osama, Taliban of algo den e sentido aki, no ta wordo publica. 

Deseonan di morto pa otro persona no ta wordo publica.

Comentario cu ponemento di link pa otro website(s) no ta wordo publica. Den caso cu e tin algo di haber cu e articulo y ta informativp por hasi un excepcion.

Comentario cu Personalia (Number di telefon, adres etc.) no ta wordo publica. 

No hasi e comentarionan mucho largo. Un buki completo como comentario no ta wordo aprecia door di e otro lesadornan y no lo wordo publica. Ademas cada usuario automaticamente lo haja un notificacion si nan comentario pasa 1000 “characters” (words and spaces) ja cu esaki no lo drenta den e systema. Hasi bo comentario cortico y al caso.

Insulto of zundramento di un otro persona cu ta duna comentario no ta wordo aprecia. Comentarionan cu palabra malo/indicente of insulto no ta wordo publica. 

Tur hende ta bon bini pa papia y critica 24ora.com pero reaccionan cu kier cuestiona nos motivacion pa un arituclo, no ta wordo publica. Correcionan riba un articulo semper ta bon bini. “E articulo aki no ta cuadra, PASOBRRA……….” Ta comentarionan cu nos no tin problema cu nan. Comentarionan manera: “E website aki ta hasi tur cos fout”, “E reporteronan di 24ora.com no ta sirbi”, “24ora.com tin un mal webmaster” etc no ta wordo publica. Si bo tin un problema cu 24ora.com semper bo por manda un email na info@24ora.com This e-mail address is being protected from spam bots, you need JavaScript enabled to view it Subjet: Reclamo.

Respeta e derecho di autor di un tercera parti. (Bo mag cita un parti di un publicacion, pero no ta permiti pa completamente tuma un publicacion over) 

Mensahenan commercial (Spam) no ta wordo publica. 

Comentarionan cu lo por influencia e funcionamente tecnico di 24ora.com no ta wordo publica. 

Comentarionan cu tin como Author un nomber cu ta hopi cla cu e ta un nomber falso no ta wordo publica. Por ehempel un nomber di un artista famoso (Madonna). Tampoco un author cu tin como su nomber un palabra malo of indecente tampoco ta wordo publica. 

Reaccionan cu ta basa nan mes riba e rason pa publica un articulo manera “Esaki ta noticia ?” no ta wordo publica. E discussionan mester bay riba e contenido di e noticia y no e motivacion di e noticia.

 Comentarionan exactamente identico no ta wordo publica. Por ehempel copy y paste e mesun comentario mas cu un biaha. 

Comentarionan cu ta bisa nada manera (“Hesuse”, “Ombo”, “Well Well”, “Mi Mama”) sin ningun argument ono ta wordo publica. 

Comentarionan den un idioma cu no ta Ingles, Papiamento, Spaño of Hulandes no ta wordo publica. 

Comentarionan cu ta completamente cu HOOFDLETTER no ta wordo publica.

Na reaccionan/comentarionan cu directamente un persona of un grupo di persona ta wordo menasa, nos por duna un keho. Ademas ta importante pa informa cu tras di cada comentario tin un Ip-Adres cu ta identifica bo computer y locacion.

Si en caso un author pone un comentario cu un email adres cu ta hopi cla pa e moderador cu e ta un email adres falso e comentario no ta wordo publica. Nos tin mester di por notificabo bo persona na e email adres si en caso bo comentario no wordo publica.

No ta permiti pa pone diferente comentario den un articulo bow di diferente nomber si bo ta e mesun persona di cual nos por mira na bo ip-adres of email. Por ehempel. “Pablito” a duna su comentario riba un “Caso A”. Despues e mesun “Pablito” ta cambia su nomber pa “Mario” y ta duna un otro comentario riba e mesun “Caso A” pa hiba e discussion den su rumbo.

24ora.com tin e derecho di modifica e reglanan aki na tur tempo y tin un copia di e reglanan aki semper online den nos about us page y un copia por wordo pidi via info@24ora.com This e-mail address is being protected from spam bots, you need JavaScript enabled to view it Subject: Copia di Reglanan di 24ora.com

 

Connect with Us

Newsletter