Wednesday, 01 October 2014
Gobierno: Mientrastanto PdVSA ta na Aruba y ta den combersacion cu Valero Print E-mail
Friday, 23 August 2013 21:16

mike mientras

Compania di evaluacion Fitch Rating a mantene e rating di Aruba di BBB. Pero, si a cambia e outlook di ‘stable pa negative’. Esaki debi na ciere di e refineria cu ta keda hunga un rol cerca companianan di evaluacion. Fitch ta enfoca hopi riba esaki tambe. Prome Minister di Aruba Mike Eman, kende hunto cu su colega Minister de Meza a yama un conferencia di prensa special, a bisa cu e refineria y su futuro ta keda un preocupacion.

Un preocupacion cu a conduci na cambio di e outlook pa Aruba dor di Fitch. “Awe nos por duna informacion cu continuamente trabounan pa loke ta e refineria ta avansando. E hecho cu nos a crea un regimen fiscal nobo pa e refineria cu a conduci na su reapertura ta un instrumento importante cu Valero tin den tur su combersacionnan cu potencial cumprado of potencial partnernan”. “Por cierto awe mi tin e bon noticia cu PdVSA ta na Aruba y ta na e momentonan aki na Valero. Combersacionnan ta avansando entre partidonan. E regimen fiscal nobo cu nos a crea sigur ta un instrumento cu ta yuda den e proceso aki”, Prome Minister a bisa durante un conferencia di prensa yama pa atende cu e rapport di Fitch. Eman ta comenta cu poni den e contexto di e afirmacion di e rating BBB y e outlook cu ta keda cu bista riba loke ta bay pasa cu e refineria of otro actividadnan economico cu ta bay reemplasa e refineria, por remarca cu e rapport di Fitch ta un bon noticia. “Nos ta contento cu nos por a supera – manera IMF a bisa – dos tormenta economico. Esun di e crisis economico cu nos gobierno a hereda na 2009 y ciere di e refineria. Dor di e pasonan cu gobierno a tuma awe tin indicacionnan fuerte di un recuperacion economico cu ta duna confiansa y stabilidad na pais Aruba”. Prome Minister Eman a felicita su colega de Meza pa tur e trabounan cu a wordo haci pa Aruba por a mantene su rating. “Esaki ta algo hopi bon pa nos comunidad. E ta duna tambe e stabilidad necesario den e mundo internacional pa loke ta trata Aruba den combinacion cu nos posicion den Reino. Tambe dor di acuerdonan cu nos tin cu Reino. E ta algo positivo”.

Comentarionan (3)Add Comment
... Low-rated comment [Show]
selena 7
August 24, 2013
201.229.15.7
Votes: +16
...

Pls Min Pres. papia concreto y honesto y no turn around ...no hunga politiek cu Aruba... e ta un dushi isla!!!

berdad ta mata mentira
August 24, 2013
201.229.35.44
Votes: +27
...

atrobe mes un storia....boso sigi kere e storia aki

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter