Friday, 01 August 2014
Minister Michelle Hooyboer-Winklaar: A haci hopi trabou riba e area social di nos pais Print E-mail
Thursday, 22 August 2013 22:51

front

Partido AVP a tene un ceremonia cortico, unda tur e 29 candidatonan cu ta aparece riba e lista politico pa aña 2013 a firma e programa di partido. Manera a menciona, e programa di partido ta e instrumento y splicacion tocante kico, pakico, unda y con e partido ta bay haci pa e siguiente añanan.

Minister di Asuntonan Economico, Asuntonan Social y Cultura, Michelle Hooyboer-Winklaar tambe a firma publicamente pa ehecuta e programa di pueblo y pa pueblo. Durante e congreso di diasabra proximo, e miembronan ta duna aprobacion di e programa aki, ya cu nan ta e organo di mas halto den partido di AVP. E area cu mas a haya atencion durante e ultimo añanan tabata esun di social. “Sin bienestar y calidad social, ta hopi dificil pa e desaroyo di bo pais progresa. Mirando bek riba e programa, tocante e problematicanan cu tabatin rond den pueblo, na momento cu nos tabatin contacto cu pueblo, nos a traha un programa, purbando di traha riba algun di tur e aspectonan preocupante cu a bin dilanti. E prioridadnan di e gobierno anterior tabata obvio cu no tabata e area social” segun e mandatario. Minister Hooyboer- Winklaar a sigura cu tin hopi trabou ainda pa haci y apesar cu a logra un cantidad di cambio den e area social, manera; reparatietoeslag pa nos pensionadonan, schooltoeslag di 200 florin, aumento di bijstand cu 25%, ainda tin hopi reto. Minister ta contento di por bisa, cu e mesun hendenan cu nan a bishita 4 aña pasa, nan acerca awo y nan a duna di conoce cu nan ta satisfecho cu e cambionan, cu awo nan por hala un rosea y por duna un poco mas na nan famia. Pero e trabounan no ta cla y ainda tin hopi pa haci riba e tereno social, cu ta di sumo importancia pa bienestar general y progreso di un pais. E mandatario ta invita tur e miembronan, specialmente su siguidonan, pa bin hunto diasabra awo na e Congreso di partido AVP, p’asina nan haya tur informacion di loke e partido a haci durante e 4 añanan aki y tambe pa duna nan e confianza pa sigui traha pa pueblo e siguiente 4 añanan. “Nos partido tin e ser humano central y e parti social ainda falta pa traha riba dje”, el a termina bisando.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter