Wednesday, 26 November 2014
Lider di AVP Mike Eman: Nos ta bay crea un Aruba nobo pa e siguiente Generacion Print E-mail
Thursday, 22 August 2013 21:53
Comparti

mike avp

Ceremonia di firmamento di compromiso di cada candidato cu e programa di gobernacion di Partido AVP a wordo precidi pa un discurso di lider di partido, Mike Eman, kende a duna un splicacion di kico a haci den e ultimo 3 aña y 10 luna di gobernacion y kico kier bay traha riba nan den e siguiente cuatro añanan.

E lider di partido a cuminsa pa recorda e triunfo grandi cu e partido a logra na 2009 y a apela na su coleganan di partido pa corda cu “un eleccion y confiansa di comunidad expresa durante un proceso electoral ta un confiansa presta. E ta un confiansa cu mester traha tur dia, dia y anochi, pa demostra cu bo ta merecedor di e confiansa ey. Nunca pensa cu e tres letternan cu ta forma e nomber di bo partido of e color, ta haci e diferencia. Den tur trabou tin biaha no ta logra alcansa perfeccion, pero si tur dia bo lanta y haci un compromiso cu bo mes y cu bo comunidad cu bo lo bringa y sacrifica unda cu tin mester, pa logra perfeccion pa bo sociedad bo lo mira un diferencia. Unda cu ta traha bo ta mira un diferencia. Gobierno y Parlamento di ultimo cuatro añanan a demostra cu nan a capta e mensahe cu pueblo a manda pa nos cuatro aña pasa,” Eman a bisa yen di orguyo den un Cas di Partido yena di persona cu un entusiasmo grandi pa e proximo eleccion. Eman a bisa cu na 2009 pueblo a scoge pa un Gobierno cu ta consciente cu tin pobresa, cu tin scolnan deteriora, cu tin barionan unda no tin caminda ni luz, un Gobierno cu ta crea un ambiente di dialogo entre partnernan den nos comunidad y scucha esnan cu tin opinionnan diferente of innovativo. Principalmente realisa cu Aruba ta den un Reino Hulandes cu ta ofrece hopi oportunidad pa Aruba por crece y wordo respeta. “Cu e fundeshi y pensamentonan aki nos a traha durante e ultimo cuatro añanan y pesey unda cu bo bira e color cu bo ta mira ta mustra e sentimentonan di un bon trabou cu a wordo haci.” El a gradici su coleganan Minister y Parlamentarionan cu a apoya e liña di pensamento cu “nos tin cu traha pa pueblo y pais”. Den e ultimo parti di su discurso e mainta aki Eman a señala cu na momento cu constata cu e fundeshi poni a haci un diferencia pa esnan di menos recurso, pa e grandinan, empleadonan cu tin un pensioen, esnan cu ta biba den necesidad cu a haya aumento di bijstand y schoolkinderentoeslag y e crecemento di turismo, ta un momento di haci un compromiso nobo. “Nos a pone un base pa progreso di Aruba, pa Aruba por sigui florece despues di 4 aña di trabou duro. Esaki ta crea un compromiso, pa traha riba e plannan pa futuro, cu ideanan haya for di pueblo, den Dialogo Social y durante gobernacion.” Ta hustamente e ideanan aki, Eman a splica, a wordo traduci den un documento di partido cu a haya e nomber “Progreso y Bienestar pa un y tur”, cu ta e plataforma cu partido ta presenta na su miembronan den e Congreso di diasabra awor. Ta bay traha riba e “ainda falta” pa e yega na cada cas y cada ciudadano di e pais. E programa tin como punto central sigui garantisa e desaroyo economico, crea un relacion duradero entre ciudadano, comunidad, bario y instancianan. Pa henter comunidad sinti e responsabilidad pa crea un Aruba nobo pa e siguiente generacion. Tur area tin e liña cora cu ta bisa cu cada “paso cu nos tuma mester wordo traduci den un miho calidad di bida pa cada ciudadano na Aruba.” Na final e lider a invita tur candidato pa firma nan compromiso cu e programa di partido.

Comentarionan (1)Add Comment
Torino di Lucca
August 23, 2013
201.229.31.109
Votes: +0
...

Como candidato firmando e documento aki, e candidato a deshaci di su derecho humano como parlamentario. Esey kiermeen cu e no por vota contra ningun plan cu Mike Eman presenta na Parlamento. Un parlamentario mester ta liber pa evalua y mester tin e posibilidad di vota "Pro" of "Contra" Na 2009 no tabta tin fiirmamento y Juan David por a usa su derecho humano pa vota contra. Mike Eman no a gusta at all, pues awe e problema ta soluciona y esey no por sosode mas, pasobra Juan David a firma pa no hasie mas. Corda bon cu Mike Eman a studia ley y sa hopi bon con pa hinca e palabranan den otro, si acaso un parlamentario bai Juez ora AVP exigi su asiento bek.

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter