Tuesday, 21 October 2014
Diasabra Arthur Dowers ta na Lucianitastraat Babijn y Nieuwstraat y vecindario tambe ta Duro cu D6wers! Print E-mail
Friday, 16 August 2013 17:55

rdc-nieuwstraat-02

Durante e recorido di Team Dowers den diferente bario Arthur Dowers, kende ta actualmente Minister di Husticia y Enseñansa y riba e lista victorioso di AVP, a disfruta di reunionnan di contacto masha ameno na, entre otro Babijn y Nieuwstraat y vecindario.

Esunnan interesa pa topa cu Arthur Dowers y su team na un reunion di contacto ta invita pa bishita Lucianitastraat # 20 riba diasabra, dia 17 di augustus cuminsando pa 8 or. Esunnan cu a bishita e reunionnan na Babijn y Nieuwstraat a expresa cu nan tambe ta Duro cu Dowers y tabatin hopi interes pa e informacion cu Arthur Dowers a comparti tocante e desaroyonan, accionnan y cu vision, como tambe cambionan masha grandi cu a tuma luga durante su prome periodo como minister. Ademas el a splica tocante plannan pa futuro y a intercambia di idea cu e personanan presente riba diferente topico di interes general, como tambe temanan cu ta concerni su dos ministerionan. Arthur Dowers entre otro a lidera cambionan grandi hunto y pa Cuerpo Policial, unda cu por ehempel structuralmente Aruba tabatin un scarcedad di 150 agentenan policial durante hopi aña. Aruba durante e periodo di gobernacion 2009-2013 a conoce 130 polis aspirant nobo, kende ta trahando riba un carera den e ramo asina importante aki. Esaki ta un record nunca antes bisto, unda cu un aña hasta a cuminsa cu dos klas di aspirant. Aki algun siman ta cuminsa un grupo mas na Scol pa Polis y asina lo continua pa sigui percura pa yega na un bon balansa den e personal pa Cuerpo Policial. Entre otro topiconan cu tambe a capta atencion sigur ta e renobacion di nos scolnan, di cual masha hopi tabata den un estado deplorabel, pa falta di mantencion apropia y renobacion pa demasiado aña. Tin cabesante cu a bisa Dowers cu nan no a wak un mantencion manera mester ta for di tempo cu nan a cuminsa den e puesto di cabesante na e scol. Ni cuanto cu nan a pidi, nada a wordo haci, te cu e situacion a bira inaceptabel, cu entre otro dak y plafondnan tabata lek, hasta fan a cay for di plafond durante ora di scol y bentanan tabata cay for di nan scharniernan. For di fin di 2009, uno pa uno nos scolnan ta ricibiendo nan mantencion, renobacion y den algun caso hasta un expansion, pa medio di Ministerio di Husticia y Enseñansa cu apoyo di su coleganan minister. Dowers a splica cu e gobernacion aki a traha cu determinacion y vision y “NO” no tabata den nan vocabulario ora ta trata trabaonan necesario pa e desaroyo y bienestar general di Pais Aruba. Nos no tabata simplemente acepta un “no por” como contesta y tabatin e capacidad den cas pa sa tambe kico si por y kico di berdad no por, segun Arthur Dowers. E mandatario ta gradici Babijn y Nieuwstraat y vecindario pa habri nan brasa ricibi AVP y un di su sirbidonan di comunidad di Aruba, Arthur Dowers, den nan bario. Duro cu Dowers! Semper padilanti: positivo y proactivo!

album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter