Tuesday, 22 July 2014
Lider sindical di ABV sra.Gina Maduro contento cu protocol firma riba siguridad Print E-mail
Thursday, 15 August 2013 18:30

IMG 2467

Despues di varios reunion den e plataforma Dialogo Social y tambe despues di a studia e rapport ‘Naar een veiliger Aruba’ cu a wordo traha riba peticion di e miembronan di Dialogo Social, e protocol riba siguridad a keda firma.

Esaki a sosode en Center for Innovation dr.Edward Cheung. Prome Minister Mike Eman, Minister di Husticia Arthur Dowers y demas partnernan social a firma e acuerdo nacional aki. Den dje tin 21 punto di accion riba cual a acorda. Sra. Gina Maduro di Arubaanse Bond voor Verpleegkundigen ‘ABV’, miembro fiho di Dialogo Social a keda masha contento cu e protocol a wordo firma. “E acuerdo aki ta algo hopi importante. Importante pa henter comunidad di Aruba, pasobra siguridad ta regarda cada un di nos cu ta biba riba e pida baranca aki. E protocol ta uno extenso. Nos tin basta tempo caba trahando riba dje. Dos rapport – De Omslag y Naar een veiliger Aruba - a forma e base di e protocol”. Sra. Maduro a bisa cu despues di deliberacionnan extenso cu tur gremio y tambe cu ministernan, e acuerdo cu ta encera 21 punto a keda cla y aproba. “Mi ta satisfecho cu e desaroyo di awe. Nos a bin cu e 21 puntonan mas escencial di e rapport. Puntonan cu ta refleha con nos kier mira siguridad di Aruba”, sra.Gina Maduro a bisa.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter