Monday, 28 July 2014
IMF a duna gobierno un rapport jen di onvoldoende, PDR ta haya cu esaki ta hopi serio Print E-mail
Thursday, 15 August 2013 17:23

partido democracia real 2013

Partido Democracia Real ta haya cu gobierno di pais Aruba tin hopi reto su dilanti, mirando e preocupacion cu IMF ta pone den su rapport riba e situacion financiero economico di Aruba. Segun lider di e partido esaki ta relaciona cu e dificit a redobla y cu mester tuma medida mirando cu e debe nacional a subi na 105% di e GDP.

Tambe por mira inversionnan den pais Aruba ta na un nivel relativamente abao, pero semper por a tende di gobierno bisa cu awor nos ta mira unda e placa ta bai. Si IMF ta señala esaki, kiermeen ta invertiendo conforme loke ta e norma rond di mundo di paisnan similar cu Aruba, dus caminda e gastonan a bai redobla. Lider di PDR por conclui di e rapport di IMF cu a emplea mas coordinador. E gobierno aki di AVP a bai eleccion cuater aña pasa, bisando cu nan no ta bai emplea mas hende y ta bai tin naturlijke afvloeiing etc. pero a emplea pata pata di coordinador y esey a pone cu tin mas gasto cu a subi. Si wak e rapport bon, y loke PDR a señala tur e añanan aki ta wordo confirma door di IMF. Hopi biaha PDR a bisa cu negoshinan mediano y chikito ta curason di Aruba su economia y IMF netamente ta constata cu tin hopi obstaculo pa lanta negoshi mediano y chikito cu e interes di fiansa ta hopi halto y cu e proceduro burocratico ta hopi. Dus IMF ta bai recomenda pa reduci esakinan y PDR den su programa di gobernacion 2013/2017 tin esaki. E partido aki semper ta tene na bista sector priva y ta realisa cu sector priva ta mantene e economia. Tambe por mira den e rapport cu mester diversifica e economia. Gobiernonan despues di Status Aparte tur biaha a bai eleccion incluiendo gobierno di AVP cu nan ta bai diversifica economia, sinembargo te dia di awe ningun gobierno no a logra. Loke nan a logra ta di sera e refeneria y netamente IMF ta señala door cu e refeneria a sera tin un perdida di 12% di nos GDP. Lider di PDR ta sigui bisa cu PDR den gobernacion lo haci maximo esfuerso pa reapertura di e refeneria, a presenta cinco compania na e gobierno actual pa nan por bai wak y explora con ta bai haci reapertura di e refeneria, pero a drumi riba esaki. Pa PDR e refeneria ta crucial y e ta un di e factornan tambe pakico cu e situacion financiero di pais Aruba ta deplorabel. Gobierno di su banda a haci hopi fanfaria y hopi seminario a gasta hopi placa riba green energy y energia renobable y cu esey lo saca Aruba y cu esey ta bai ta e proximo pilar economico di pais Aruba, sinembargo IMF ta constata riba esaki cu esaki ta hopi dificil pa logra pasobra e ta rekeri inversionnan cuantioso y probablemente Aruba no tin e expertisio pa expande esaki y cu e ta un reto hopi grandi y hopi largo. Di parti PDR nan ta kere den crea pilar economiconan cu ta facil pa logra manera paisnan Corsow, St. Maarten y Hulanda ja caba ta ganando hopi placa. Den concepto di lider di PDR Andin Bikker, IMF a duna gobierno un rapport jen di onvoldoende y tog gobierno ta pretende cu e la bai over y PDR no ta comparti e opinion ey. Tambe PDR kier pa gobierno bin duna cuenta con e ta bai reaccion riba e rapport aki enconcreto y no keda draai rond di e cifranan. Na final di dia por corre pero no por sconde y den concepto di PDR e ta algo hopi serio.

Comentarionan (1)Add Comment
Randolf
August 16, 2013
65.111.169.4
Votes: +0
...

E problema di PDR ta cu su lider kier pretende di ta un experto ariba tur tereno pero pa señala yen di fantasma y no ta capabel pa presenta ningun solucion pa e fantasma nan cu nan ta mirando. Bo por bisa di ta bay haci algo pero si bo no por detay'e ta con bo por presenta un "solucion"?
Don sabe lo todo: kier hanga politica pero politica no ta gusta e persona cu ta encabeza e lista aki. Un persona cu un ego masha halto mes cu kier reconocemento embez di ta humilde pa e pueblo. Bay cumpra siga caro pa sinta huma y hunga rol di ta 'abogado of defensor di pueblo' no por yuda bo pasobra ta un berdadero abogado di pueblo Aruba e yega di conoce y abo no por ni para banda di e persona aki.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter