Saturday, 20 December 2014
Ommi Henriquez ta splica mas dikon su ausencia riba lista di MEP Print E-mail
Monday, 12 August 2013 20:22
Comparti

Ommi Henriquez

Awe nos ta aki pa trese e claridad riba e asunto di mi candidatura riba e lista di Mep y claridad riba e motivo cu mi no a aparese riba e lista. Tambe pa corehi rumornan falso, pa contesta e centenares di yamadanan pa mi splika pueblo kiko a pasa, y mi kier a aclarea den un manera chronologico kiko a transpira.

Ami no ta bai forma parti di redashi ni falso calumnia. Mi a core un campanja honesto, sincero y cu dignidad. Pruebando cu un político no mester di lodo pero nivel pa yuda su patria Aruba!!! Mester di mantene bo mes na ética, respet, respet mutuo, principio y dignidad. Asina ami ta y ta asina mi a campanja. Diaranson anochi den mi combersashon cu Evelyn mi a expresa na dje kiko e pensamento di mi achterband tabata despues cu e mes a pidimi pa nan opinion. Esey mi a infórmele. Ela informami mi number di cual cu mi a bise cu mi achterband no ta di acuerdo, basa riba accuerdonan anteriormente cu Evelyn a compromete su mes cumi, y cu lo mi mester di consulta. Ora cu mi ta sali Evelyn a bisami cu e lo yamami pasa un manjan paso e no ta lagami bai.

Mi a sali for di Arulex algo di mey anochi. Ami mes a yega cas 4’or ney y a bai drumi pasa di 4’or. Pa 5:31 Evelyn a mandami un PIN dunando mi te 10’or di mainta pa contéstele. Mi persona mes a lanta después di 10’or am door cu mi a bai drumi laat. E prome comunicación cu mi a ricibi después cu mi a lanta tabata di Sr. Dirk Dumfries kende a informami pa mi duna Evelyn te Diabierna mainta pa yamami. Pues suponiendo cu e ta druk mi no a yama y a provecha e momento pa consulta cu un imensio cantidad di hende kendenan tur nan opinión mi a tene na considerashon. Esaki a bai te den oranan laat di anochi unda ya kaba mi tabata tin mi decishon di acepta e number. Mas ainda tabata tin hendenan cu a informami cu nan a manda informe cu mi a acepta. Diabierna mainta trempan mi a dicidi cu mi no ta bai warda mas pa Evelyn yamami, manera a wordo pidi anteriormente, y mi a manda un PIN pa Evelyn cu mi ta acepta. Mas después ela contesta cu ta laat. Differente hendenan, sostenedornan, campanjadornan a yama Evelyn pa reconsidera, paso nan tabata sa cu tin tempo ainda door cu cosnan asina ta commun, pero Evelyn a bisa cu no tin espacio mas. Mi tin cu gradici Sr. Eddison Briezen kende, según mi a comprende, tabata dispuesto pa pasa e number 7 back pa mi persona. Ayera nochi ainda mi a expresa na un miembro di team strategico cu ainda portanan na mi banda ta habri pa e posibilidad aki.

Kiko ta pa Holmo Henriquez aworaki ??? Well mi ta keda e mesun Holmo Henriquez, e mesun Ommi cu tur a conosemi, y e lucha pa e derechonan di nos pueblo ta sigui. Amor pa mi país ta demasiado grandi pa mi laga e lucha aki kai. Cu e mesun curashi mi ta sigui bringa pa defende bo derecho di papia. Mi ta sigui cu e lucha contra Emanismo y contra cualquier gobierno cu no ta respeta derechonan y libertad di nos conciudadanonan.

Mi ta sigui vigila gobierno y e asunto di e projecto di Urirama, y di aki mi ta manda un yamada na e pueblo di Noord y Aruba en general pa keda pendiente pa si un yamada drenta pa protesta contra e molinanan di biento, of contra cualquier aspecto di mala fe contra e pueblo di Aruba.

Kiko ta mi conseho di voto ?? Well mi ta keda para ariba cu e trajectoria di e gobierno actual ta uno malísimo. Pues e gobierno aki ta un régimen Totalitario y no ta digno di e confianza di e pueblo di Aruba. Nos no por confía futuro di nos jiunan den nan man. Pues e ora bo tin cu bai wak credibilidad di e otro partidonan y saca bo conclusión. Usa sano juicio y no sigui tras di show, espectáculo, y indoctrinashon di mercadeo. E partido cu ta demostrabo mas sinceridad, seriedad y capacidad ta e criterianan cu mi lo conseha pa bo usa pa saca bo conclusión. E momentonan aki no ta momento pa hunga favoritismo político. Mester tuma tareanan na serio como lidernan di partido y demostra seriedad pa cu e situashon chaotico cu nos país ta den aworaki. Sin seriedad un partido político no por hiba nos país dilanti.

Como mayornan nos tin cu wak nos casa den su wowonan y mira reflehonan di un pareha cu a traha duro pa su famia, a hasi sacrificionan den bida pa futuro di nan famia. E sudor, e lagrimanan, e cansancionan, e obstaculonan cu hunto nan a surpasa den bida pa ta caminda nan ta awe. Despues como mayor nos tin cu wak nos jiunan den nan cara y wak e cara innocentenan, e caranan cu tin un caminda largo nan dilanti ainda, caranan cu ainda mester di prepara nan mes pa tur e obstaculonan y retonan cu bida ta pone den nan caminda pa cu nan futuro. Awo ta mas duro nos kier hasi bida di nos jiunan bira of nos ta traha pa duna nos jiunan un mihor oportunidad den bida ? Mi ta kere nos debe nos jiunan mihor cu esaki, mihor cu locual e gobierno aki ta hasi pa futuro di nos jiunan. E gobierno aki ta perhudicando futuro di nos jiunan. Pesey nos no por permiti otro gobierno di e mesun índole goberna nos país.

Mi kier a gradici tur tur mi sostenedornan y e tremendo Team Holmo kendenan tur a traha duro durante mi campanja, incondicionalmente, cu un amor y dedicación grandi pa nan dushi isla Aruba. Un abraso fuerte pa boso tur y no kere niun hende cu mi a retira. E lucha pa nos pueblo di Aruba ta sagrado di cual mi lo defende te na morto !!!

Comentarionan (2)Add Comment
compadre
August 13, 2013
46.129.105.192
Votes: +4
...

nan a lubida bo swa,,,

ta bril d palo bo tin bisti......smilies/cool.gif

Mai
August 13, 2013
190.88.35.93
Votes: +48
...

That moment...cu un candidato studia i experencia ta ta laga MEP pasobra un jui di un ex-lider sin estudio drechi i experencia amplio ta hanja un mihor number cu ne.. .

Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter