Friday, 01 August 2014
Segun Dangui Oduber, candidato di MEP: Gobierno di AVP lo no por a trece un aire fresco riba e pida baranca aki Print E-mail
Monday, 12 August 2013 18:14

Dangui

Nos humilde pueblo ta pasando den e momentonan mas dificil di historia di nos dushi Aruba. Hopi ta esnan cu a kere profundamente cu un gobierno di signatura berde lo por a trece un aire fresco riba e pida baranca aki despues di 8 aña di gobernacion di MEP.

Awe casi 4 aña di gobernacion di AVP y na porta di un eleccion cu lo bay determina e rumbo definitivo di nos humilde pueblo, mi por conclui cu e daño cu AVP a causa den e ultimo 4 añanan ta devastador. Nos seguridad personal y financiero ta den un estado deplorabel. Nos bida ta core peliger tur dia cu atraco, asesinato y violencia, nos autonan no ta sigur mas cu tur e tantisimo ladronicia y joyridingnan, nos humilde pueblo ta pasando den duro pa por pone cuminda riba mesa i pa por drumi trankil anochi. Gastonan y criminalidad ta subiendo dia pa dia y nos gobierno actual, bao liderazgo di Mike Eman, ta sigui pone tur recurso humano i financiero pa sigui cu e fiesta cu nan a cuminsa 4 aña pasa. Viahamento sin fin, sacamento di portret cada minuut di dia, conferencia nan cu ta costa nos miyones y pa no menciona proyectonan miyonario cu klinkers y mas klinkers. Di con refresca memoria di cada un di nos si esaki ta algo bisto? Nos humilde pueblo mester realisa y sa e berdad cu gobierno actual, bao liderazgo di Mike Eman, tin plannan cla caba pa despues di e "supuesto" eleccion victorioso di AVP introduci un belasting indirecto di 15% riba tur producto (combustibel incluso). Esaki lo nifica cu un humilde hogar na Aruba su gastonan anual lo subi cu mas di 2 mil florin extra! Nos no por acepta esaki! Vision di Mike Eman pa pone klinker den tur caya di Aruba y pa bay cuminsa planta mata di fruta riba caminda principal di Paradera ta pone mi pensa si acaso Mike Eman ta bezig ta preparando nos humilde pueblo pa cuminsa cana bay scol/trabao ya cu gasolin a bira impagabel y pa cuminsa piki fruta banda di caminda, ya cu cumpra esaki no lo ta posibel mas? Nos humilde pueblo di nos dushi Aruba merece mihor y ta pesey nos ta haci un suplica na e pueblo votador pa duna nos e sosten.

Comentarionan (1)Add Comment
Mai
August 13, 2013
190.88.35.93
Votes: +13
...

That moment....cu MEP ta jena cu famia riba lista...i nan ta claim di trese aire fresco

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter