Saturday, 20 December 2014
Prins Friso a fayece na edad di 44 aña Prome Minister Eman “Un noticia profundamente tristo” Print E-mail
Monday, 12 August 2013 17:33
Comparti

DSC 5801

Su Mahestad Rey Willem Alexander den oranan di dialuna mainta a notifica gobierno di Aruba di fayecimento di su ruman Su Altesa Real Prins Friso. Prome Minister di Aruba Mike Eman ta haya e noticia aki uno porfundamente tristo.

‘For di algun tempo caba nos y henter mundo ta siguiendo di cerca e desaroyonan riba salud di Prins Friso despues di e accidente lamentabel di aña pasa”. Eman a bisa cu apesar di e trauma grandi, toch e spreransa ta keda cu un dia e lo a recupera. Speransa ta e ultimo cos cu un hende ta perde. “Pero awemainta e noticia tristo cu Prins Friso a fayece a yega cerca nos”. Premier Eman: “Pa famia y Cas Real esaki ta un sla hopi duro. Un persona hoben y yen di energia ta laga atras un señora y dos yiu chikito y un famia den tristesa grandi”. Eman ta convivi cu famia Real cu a pasa den hopi perdida familiar durante e ultimo añanan. “Awe Rey Willem Alexander kende ta asina cerca di su ruman, mester supera y carga e dolor inmenso di perdida di un ruman. Pa Prinses Beatrix e perdida grandi un yiu. Pa Prinses Mabel, esaki ta un momento duro y doloroso di perdida di un casa y tata di su yiunan”. “Como gobierno di Aruba nos ta para hunto cu e famia cu ta pasando den e momentonan dificil y di tristesa grandi aki. Un famia cu pa e comunidad aki semper ta inspiracion di union y solidaridad. Un famia ehemplar cu awe ta sufri un perdida asina grandi”. “Den nomber di Gobierno di Aruba, den nomber di pais Aruba, nos ta desea Famia Real hopi hopi forsa na e momentonan dificil aki. Cu Dios tuma Prins Friso den su Reino”, tabata palabranan di Prome Minister Eman.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter