Tuesday, 29 July 2014
Minister Michelle H. Winklaar-Proyecto "Mi Ruman Grandi" a resulta un exito y awor ta bay den su di dos fase Print E-mail
Monday, 12 August 2013 17:16

IMG 5154Minister di Asuntonan Economico, Asuntonan Social y Cultura, Michelle Hooyboer-Winklaar, ta hopi contento cu e aceptacion di e proyecto "Mi Ruman Grandi". Awor a drenta e di dos fase di e programa.

Esaki ta un proyecto cu a cuminsa for di aña pasa y un aña prome cu e setup. E tempo ey a realisa e programa piloto pa por a midi y monitorea kico a bay bon y kico e ta cosnan cu ainda mester a adapta. Den e programa aki ta 'match' un mucha muher entre 5de klas cu 6de klas cu un hende muhe di nos comunidad cu por a bin di sector priva of publico, pero cu ta un hende muhe cu a destaca den nos comunidad y cu tin algo pa comparti cu un mucha muhe, asina e Minister a splica.

Pa esaki a traha hunto cu scolnan pa scoge kende ta bay ta e mucha muhenan cu ta bay ta den e programa, haya autorisacion di e mayornan, entre otro. Tur esaki a ser haci aña pasa y awor ta cla pa expande e programa cu 17 "Mi Ruman Grandi" adicional cu ta hende muhenan cu a pone nan mes disponibel pa drenta den e programa.

Tabatin oportunidad pa comparti kico a sosode aña pasa y kico tabata e impacto como kico esaki a significa pa e mucha muhernan den nan bida, Minister Hooyboer-Winklaar a laga sa. E influencia di e hende muhenan tabata grandi y esaki ta algo cu por a midi den e sentido cu e mucha muhernan mes por a comparti na final kico a sosode y con nan bida a mehora dor di e programa aki. Mas cu esey mester mira e resultado di e efecto relaciona cu nan desempeño academico.

"E programa ta pa tin un influencia positivo, pa tin un orea pa scucha, duna nan un tiki guia den bida riba cierto cosnan cu kizas nan no ta hayando na cas", e mandatario a enfatiza.

A constata  cu e programa te hasta a hisa nan auto estima y esey a conduci na un mehoracion den nan desaroyo. Esey ta e pensamento tras di esaki y esey a keda confirma.

E hende muhernan den e caso aki tin un influencia hopi grandi y e idea ta pa sigui duna nan e bon ehemplo y pa tur e mucha muhernan cu tin e necesidad aki por haya un 'Ruman Grandi'.

Segun e minister, e mucha hombernan tampoco por keda atras. Ta importante haci e proyecto aki pa nan tambe y esey ta e intencion pa na final di aña cuminsa cu un "pilot-program" pa e mucha hombernan. Otro aña lo wak cu tin dos programa banda di otro, un pa mucha muhe y un pa mucha homber cu un impacto positivo cu ta cambia e bida di e hobennan aki.

"Mi a wak cu esaki ta posibel y cu nos ta mira cu tin hendenan den nos comunidad cu ta willing pa hacie. Nos mester ta hopi orguyoso cu tin hendenan cu ta willing pa tuma tempo liber for di nan mes, for di nan famia pa pone banda di un mucha y bisa "mi no conoce bo pero mi ta kere den bo".

Banda di esaki Jamila Hoevertsz-Kock di Centro di Desaroyo di Hende Muher a duna di conoce cu nan ta hopi contento cu nan a haya e dobel di e rumannan grandi cu nan a haya den e prome tanda. E ta kere cu esaki ta debi na e exito cu e prome tanda tabata tin.

E hobennan cu a wordo guia pa e rumannan grandi den e prome tanda a bay extremadamente bon no solamente na scol, pero tambe den nan bida social y emocional. Nan ruman grandi a haci un diferencia hopi grandi den nan bida.

A evalua e proyecto cu tur e stakeholdernan y a wak kico a bay bon y kico por bay miho. E ruman grandinan a laga sa cu nan lo kier mas training for di expertonan con pa anda cu hubentud.

E rumannan grandi lo ta disponibel pa un aña escolar. Den e prome tanda tabatin 6 ruman grandi y ruman chikito cu a sigui cu e proyecto. Mayoria di nan a bay MAVO y nan a opta pa sigui den e proyecto.

 

album album album
album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter