Wednesday, 23 April 2014
Minister Michelle Hooyboer-Winklaar ta presenta vision cu sinergia pa nos artesanonam Print E-mail
Monday, 12 August 2013 17:09

IMG 0662

E vision di Minister Michelle Hooyboer-Winklaar pa cu nos artesanonan ta pa ofrece nan un combinacion di elemento cual ta contribui na nan desaroyo, crecemento y profesionalisacion.

Como minister di asuntonan economico, asuntonan social y cultura, Michelle Hooyboer-Winklaar y su team ta trahando for di aña 2010 riba e seyo, o sea un stempel cu ta indica cu un producto ta traha na Aruba. Minister Hooyboer-Winklaar a scoge un edificio iconico, di gran importancia historico pa crea un centro pa e artesanonan den curason di Oranjestad, unda cu tur turista y local tin acceso facil. Asina Minister Hooyboer-Winklaar pro activamente ta motiva nos artesanonan pa crece y laga nan creatividad briya, cu e meta entre otro pa nan yega na un desaroyo sano di nan negoshi. Ademas, ta protege e producto di nos artesanonan, ta crea un experiencia unico pa nos turistanan y local nan, tanten cu ta reenforsa e rol di nos artesanonan y e producto nacional den nos industria turistico. Recientemente Minister Hooyboer-Winklaar a invita algun di nos artesanonan activo pa bishita e edificio historico na Zoutmanstraat cu lo wordo poni na nan disposicion ora cu su restauracion ta completo. El a puntra pa nan input tocante e centro di artesano. Si tur trabao bay sin contratiempo grandi, e edificio aki, cu ta 100 aña bieu y ta wordo restaura bao guia di Monumentenbureau, lo keda cla na mei/juni 2014. E stempel “100% Made in Aruba” ta wordo otorga na nos artesanonan basa riba diferente factor, incluyendo e calidad di nan producto. Tur artesano cu ricibi e stempel aki ta wordo invita pa ora cu e edificio keda cla pa e pone su productonan na benta, tin interaccion cu e bishitante y tambe pa duna demostracion di su trabao y/of ofrece workshop. Tin hopi interes di parti di nos bishitantenan pa cumpra un recuerdo traha na Aruba y nan ta dispuesto pa paga un poco mas si nan sa sigur cu esaki ta traha na Aruba mes, pues e stempel ta duna mas balor na e producto nacional y ta crea mas aprecio pa e artesano su trabao. E mandatario ta comenta cu a tuma un proceso bastante largo di investigacion pa Monumentenbureau por establece con e edificio tabata originalmente. Minister Hooyboer-Winklaar a añadi cu hopi entusiasmo cu ta fantastico cu un gebouw historico mas ta wordo restaura pa su estado original y esaki ta un proceso largo y delicado. E edificio lo ta parti di e centro di ciudad renoba, cual ta inclui un bestuurskantoor cu su parti historico y su edificio moderno, museonan bunita y mas edificio cu ta refleha Aruba su arkitectura, cultura y historia.

album album album
album   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter