Tuesday, 30 September 2014
Rudy Lampe: Sede nobo di RED na San Nicolas cu candidatonan nobo Print E-mail
Thursday, 04 July 2013 15:01
DSC_2063
Aruba a keda azota pa un ola di crimennan arma. Tin hopi arma na Aruba. Y esaki ta e consecuencia di e maneho di gobierno di Aruba. A sera Guarda nos Costa, a kita funcionamento di radarnan, a elimina scanner di containter, ke men arma por drenta di un forma illegal Aruba.

Na fin di Gabinete Henny Eman tabata tin un situacion similar, te cu a bin cu e commision cu a produsi e rapport De Omslag. Na fin di Gabinete Mike Eman historia ta ripiti. Nos no a haya contesta riba e publicacion di Der Spiegel, cu bao di Gabinete Mike Eman Aruba a bira un hub di traficacion di cocaina. Y unda tin traficacion di cocaina tin traficacion den arma.

Minister di Husticia ta culpa RED y su lider pa e aumento di criminalidad, ta net contrario. Ta bao di maneho di Minister Dowers y di Gabinete Mike Eman tin aumento di traficacion di cocaina y di arma. Partido RED ta propone juist un maneho cu lo baha criminalidad. Tur pais cu a legalisa cannabis a conose un caida drastico di criminalidad. E sede nobo di RED na San Nicolas na Pastor Hendrikstraat ta den cuadro di un perspective diferente tocante cannabis. Y e candidatonan nobo di pariba di brug cu RED ta presenta ta sostene e perspectiva aki.

Roxanna Halley a crece na San Nicolas y ta un experto den marketing. Robert Hoftijzer ta bin di un famia conosi di San Nicolas y ta trese pa nos su experiencia internacional. Rudolf de Kort ta di Savaneta y ta un experto riba tereno di rehabilitacion di adictonan ambulante. Loke ta importante den nan bida y loke ta hasi nan apto pa ta un bon representante di pueblo ta cu nan ta hasi trabao voluntario, sea riba tereno di beisbol, futbol of otro deporte. Nan ta hasi trabao voluntario sin cobra, sin sali den publicidad, sin ningun interes. Esei ta di aprecia di e ciudadonan aki, cu ta convenci di e beneficionan medicinal y otro beneficionan di e mata milagroso di cannabis.

E prome actividad na e sede nobo di San Nicolas ta un charla tocante cannabis medicinal awe nochi pa 19.30. Y un di e ultimo actividadnan ta e concierto di reggae cu Khalilah Rose di Jamaica den Bonaire Club dia 13 di September. Corda busca bo ticket na Den Boef Copy Centre na San Nicolas.

Comentarionan (1)Add Comment
Randolf
July 04, 2013
65.111.169.4
Votes: +12
...

Rudy stop di bruha tera pasobra ola di criminalidad a subi rond mundo y nos tur sa cu un di a causa mayor ta abuso di alcohol y droga cu ta conduci na problema nan social. E hoben nan cu a tira aki no ta ayera nan a bira criminal ni ta ayra nan a haya e idea aki pa bay haci daño na otro sino Dios sa cuanto tempo nan ta meti den e cos nan aki. Mayoria crimen ta pa motibo di uso di substancia nan cu ta pone nan sinti super tof pa comete cos nan asina aki pasobra hende cu mente sano no ta bay den e extremo aki. Kiko abo mes bo contribucion tawata ta na e problema aki tempo cu bo tawata pastor y tempo bo tawata duna les na IPA? Si abo ta stimula uso di droga abo ta mes o mas c*lpable cu cualkier otro hende.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter