Friday, 24 October 2014
Parlamentario mr. Juan Ady Thijsen: AVP a pasa medida riba turismo pa haya plaka pa tapa buraco financiero cu nan a crea Print E-mail
Thursday, 04 July 2013 14:35
DSC_2063
Parlamentario mr. Juan Ady Thijsen a tuma nota cu AVP despues di den campanja a priminti di no tuma medida y a tilda partido MEP pa ta e partido di medida awor den casi cuater anja di gobernacion ta tumando mas y mas medida.

Nan a mantene e BBO, a aumenta e premie di AZV, a aumento AOV dor di cambia e grondslag, a introduci vliegtax, a aumenta logeerbelasting, a hisa accijnzen, a hisa grondbelasting etc. Den un reunion publico a bin aumenta e toeristenheffing cambiando e percentahe di grondslag. Akinan según Parlamentario mr. Juan Ady Thijsen a bin dilanti e hecho cu gobierno a priminti cu e plaka destina di e toeristenheffing lo ta pa inverti den turismo y cu den dialogo social AHATA a bai di acuerdo. Sin embargo a cai e sorpresa cu e plaka finalmente lo bai un parti pa turismo pero tambe lo bai den caha general di gobierno pa cubri su gastonan cu manera conoci ta super halto y a bai for di man. Pues gobierno ta pone turismo den peliger dor di aumento e gastonan di turismo y asina gobierno ta debilita nos nivel di competencia den turismo. Según Parlamentario mr. Juan Ady Thijsen por mira cu gobierno mester plaka y awor a tuma medida riba turismo pa e por sigi gasta.

E medida aki mescos cu e otro medidanan lo bai tin conseguencia tambe pa cu e clase trahado den turismo pasobra e gastonan di e hotelnan ta bira mas hopi y unda atrobe ta bai manda hende cas. Parlamentario mr. Juan Ady Thijsen ta elabora cu nos pais ta den porta di eleccion unda pueblo lo bai escoge su representantenan y unda lo bai forma tambe un gobierno nobo. Según Parlamentario mr. Juan Ady Thijsen pueblo mester tene cuenta cu e hechonan aki unda Gobierno di AVP a haya un mandato di e pueblo pero a hasi abuso di e mandato anto crea un situacion financiero hopi malo pa e pais, stanca e economia di e pais unda tin hopi desempleo y e poder di compra ta malisimo, unda e problemanan social ta birando mas grandi y unda nan a crea pobreza y tambe cu a hasi cu e criminalidad a aumenta.

Comentarionan (12)Add Comment
benzzzz
July 05, 2013
201.229.37.228
Votes: -2
...

sigi hunga cu nos webo di oro anto ayooo cu aruba tambe.abo mes como pueblo si un lugar ta keda bira caro bo ta bai einanan?no toch dus menos hende bin toch nos ta sintie den nos cartera.esaki ta tipish style di avp hunga bunita i tuma medida tras di lomba di pueblo.sigi vota berde nos sink mescos e anker di avp.

Randolf
July 04, 2013
201.229.28.117
Votes: +2
...

Ady a bende tereno di pueblo pa hinca placa den su propio saco, esey si ta oke Ady, esey si ta bunita Ady, esey si ta un bon ehempel pa habri caminda pa tur otro haci mescos cu awor tur rond tereno erfpacht por wordo bendi? Tur esey nan ta oke pa bo Ady?

str
July 04, 2013
84.85.56.241
Votes: +0
...

Awo nan kier hunga cu nos pan di dia cual ta nos turismo, si hunga anto Aruba lo zink sigur cu si

de waarheid
July 04, 2013
201.229.79.223
Votes: -4
...

Mep mester cuminsa di pone nan orgollo un banda I bai cu e tempo modern.
Esei kier men cu Hollando si boso ta gusta of no ta esun pa judonos tur riba e pida baranca aki.
Puntra boso mes, si e no ta Hollando, ken mester duna nos un man.
Venezuala of Merca.
Cuanto bia caba Venezuala tbta na altura di nos necisidadnan i te ainda nan no a pone un man pa juda nos.
Merca no sa mes unda nos ta keda.

de waarheid
July 04, 2013
201.229.79.223
Votes: -3
...

Shonan, mi no tin nada contra hende muhe pero MEP mester di un persona musc*lino cu un caracter hopi fuerte pasabro EWC y Xiomara ta hanciendo e partido demasiodo danio.
Nan ta papiendo di cosnan di loqual AVP tin tur pueba cu no ta asina.
E cridibilidad di e partido ta sufriendo keto bai.
Pasobra bo no por bisa mi cu e partido mes no sa kiko su parlementarionan of ex-ministernan a firma den pasado.
Si bo no sa, puntra anto prome cu bai hasi bo mes ridic*lo den prensa.
E cos aki ta hopi serio, pasobra en bes di purba pa minimalisa e danio nan ta gis haciendo cosnan mas pio ainda.
NEL, abo mester yuda pa busca e persona adequado pa lead I partido den un forma respectable.
E partido mester cambia su mentalidad, cuminsando di busca un manera con pa dialoga cu e stranjeronan.
Stop di bula riba e hendenan aki nan lomba tur ora pasobra su nos ta gusta of no, e hendenan aki ta ki nan pa keda.

de waarheid
July 04, 2013
201.229.79.223
Votes: -3
...

Boso Ady, lastimamente tur dia bosonan ta bin cu cosnan cu AVP tin prueba cu no ta asina.
Pesei mi tin hopi tempo ta bisando cu MEP mester di direction pasobra tur hende kier habri nan boca pero cada dia nan ta hacienda e partido mas danio.
Den parlamento bosonan a vota hunto cu Booshi y Aldin 4 anja largo contra tur leynan cu mester a juda pueblo, asaki ta bai bira e fout mas grandi cu e partido MEP lo por a hasi.
A danjo aki ta inreparabel, pasobra e generation nobo ta hopi mas entiligente cu bosonan ta kere.
Bosonan no por papia di actua contra criminalidad pasobra anja pasa boso nun tbta presente den parlamento ora pa vota, atrobe un danjo enreparabel. cuanto bia un hende mester dal nan nanichi.
MEP mester di un persona hopi pero hopi fuerte pa e anjanan cu ta bai bin of AVP lo sigi reina pa anjas tras di otro.

Randolf
July 04, 2013
65.111.169.4
Votes: +9
...

Si tawata MEP nan lo a suta pueblo cu medida, of no Ady. Semper MEP a bin cu medida ariba pueblo y mescos ta un hecho cu semper MEP a bisa cu no por hisa pensioen di behez y cu no tin placa pa pensioenado. Ady bo a lubida cu bo mes ta un di nan cu a vota contra esaki tempo cu a presenta esaki, bo ta lubida con ambtenaar nan a subi caya mescos cu OPA pa haya un tiki placa y boso nan tur a bay contra? Siña di presenta un plan cu boso por cumpli cu n'e y no bin keda wak kiko otro a haci y boso mes cu semper a bisa cu campaña ta un cos y goberna ta otro pues promesa di campaña ta un puro gañamento di partido MEP na pueblo. No ta ami ta bisa esaki pero boso propio ex lider a bisa esaki.

el_cabllo
July 04, 2013
46.129.105.192
Votes: +1
...

Sigi bisa kiko mas AVP a hasi?

NO lubida e kosnan bon tambe!!!!!

chabe
July 04, 2013
81.68.123.223
Votes: +13
...

AVP a baha salario di gobernantenan, hisa understand, hisa penshioen di biejes,hisa salario minimo, baha BBO, duna premie na penshonadonan,
Y no ranka plaka di pueblo mal ranka manera F&F ta haciendo ketu bay cu e huurcontractnan cu na tin pa edifcionan cu Booshi Wevro a firma pa nan pa despues nan dale un skop saque for di MEP.



arubacop
July 04, 2013
201.229.27.160
Votes: +2
...

Sr. Adi Thijsen echt waar stop di papia coi loco. Acaso bo a stop di biaha? Tur caminda di mundo Room Tax ta wordo subi pa asina e pueblo di unda bo ta biS**ta por hanja placa. No ta nada di awo. Bringa esnan cu a daal bo un schaak maat poniendo un candidato den bo districto cu lo kita e tiki votosnan cu bo ta tin. Un style di skop bo di e kas y bo mag keda den cura pa cuida cas. Lanta y wak esey promer amigo.

jos
July 04, 2013
201.229.77.191
Votes: +1
...

anto manera avp mes ta bisa ainda falta awor tmb mike de mesa ta bay ganja baha nrplaat(belasting di auto) pa despues bofta pueblo cu accijns halto riba gasoline

... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter